Obradoiro de iniciación ao portugués

Este curso 2015-16 é o primeiro no que se imparte a materia de Portugués no IES Álvaro Cunqueiro. O 27 de outubro tivemos a primeira actividade para o grupo que o escolleu como segunda lingua estranxeira. Consisitiu nun obradoiro de iniciación ao portugués, ofertado polo Servizo de Normalización Lingüística do Concello de Vigo. Nel mostráronnos como o portugués é unha lingua que nos serve para comunicarnos con máis de 200 millóns de persoas e nos cinco continentes. E que os galegos temos unha gran vantaxe para aprendelo, xa que as nosas linguas teñen un pasado en común e, por tanto, moitas semellanzas.