Letras Galegas 2011
A RAG elixiu ao poeta monfortino LOIS PEREIRO (Monforte, 1958/ A Coruña, 1996) para celebrar o Día das Letras Galegas do 2011.
Luís Ángel Sánchez Pereiro, máis coñecido como Lois Pereiro, é un autor de culto, representante de eclosión creativa dos 80 e da contracultura, poeta punk para algúns e poeta bisturí para outros. Cartografou como ninguén o labirinto do mundo contemporáneo. En palabras de Manuel Rivas, "nas letras galegas constitúe unha liña de intensidade vital e de formas contemporáneas. Alguén semellante á figura de Manuel Antonio nos anos 20"
En vida só publicou dúas obras, Poemas 1981/1991 (1992) e Poesía ultima de amor e enfermidade 1992-1995 (1995), duros e espidos poemarios en que se fan patentes as pegadas expresionistas, as referencias á literatura xermánica e certos trazos de contracultura.
Para saber máis sobre Lois Pereiro preme aquí.
E tamén aquí: páxina oficial sobre Lois Pereiro.
Historia do día das Letras Galegas
|
O corredor de fondo perde o alento |
Fuxindo dunha vida inzada de renuncias |
da súa liturxia obesa e oleosa, |
mediocre nos seus comunais fracasos, |
bágoas de xelo, indignación contida |
non deu chegado a tempo de exercer |
a súa rebelión, |
nin de levar a cabo |
a súa vinganza definitiva |
contra un mundo inxusto, homicida, e cruel, |
pola inutilidade da súa propia vida |
solitario, enfermo e fatigado, |
a morte anticipouse e chegou antes. |
Outono , 95 |
(De Poesía última de amor e enfermidade) |
|
Poderíano escoller como epitafio |
Cuspídeme enriba cando pasedes |
Por diante do lugar no que eu repouse |
Enviándome unha húmida mensaxe |
De vida e de furia necesaria. |
Outono, 95 |
(En Poesía última de amor e enfermidade). |