VISITA Á CASA GALEGA DA CULTURA

O alumnado de 4º da ESO acompañado polas compañeiras do Departamento de Galego visitaron as instalacións da Casa Galega da Cultura onde se atopa a Fundación Penzol e a Biblioteca-Arquivo Francisco Fernández del Riego xunto coa súa pinacoteca.

Puideron desfrutar das explicacións do director, Xosé Manuel Soutullo que lles fixo unha visita guiada polas instalacións.

Aproveitaron a saída para visitar a exposición sobre María do Carme Kruckenberg: Vivir unha aventura irrepetíbel con fondos da Fundación Penzol, a quen a poeta entregou toda a súa biblioteca e arquivo.