Día mundial do consumidor 2019

Un ano máis conmemoramos o 15 de marzo. No ano 1962, o presidente dos EE.UU., Jonh F. Kennedy, pronunciou o discurso onde recoñeceu ao consumidor como elemento fundamental do proceso produtivo.

Dende o IES Álvaro Cunqueiro, aproveitamos esta data para recordarvos a necesidade de practicar un consumo responsable: reciclando, reutilizando, reducindo e recuperando.

Este ano, queremos unirnos tamén aos #Friday For Future, movemento contra o cambio climático liderado, principalmente, polos máis novos, que seguen o camiño iniciado por Greta Thunberg, a estudante sueca que en decembro do ano pasado, no Cumio sobre o Clima, celebrado en Polonia pronunciou un breve, pero efectivo discurso.

Deixamos aquí un xogo que vos axudará a coñecer como se clasifican os refugallos e o lixo para a reciclaxe. Preme na bandeira verde para comezar.