EEI de San Bartolomeu

Presentación solicitudes de admisión e documentación complementaria:

• Prazo de presentación: do 1 ao 20 de marzo, ambos os dous incluídos.

• A solicitude será única e poderase presentar:

  • Preferentemente de forma electrónica: https://www.edu.xunta.gal/admisionalumnado/. Pode consultarse o Manual para as familias para obter axuda de como facelo.

  • Ou de forma presencial no centro educativo escollido como primeira opción cubrindo o modelo de solicitude admisión (ED550B)

    • Galego

    • Castelán

• En caso de presentación presencial neste centro, para garantizar unha atención personalizada que non interfira co funcionamento normal da escola, atenderase os luns entre as 16.30h e as 19.30h e os martes entre as 12.30h e as 13.30h.

• De se requerir documentación para xustificar os criterios alegados no baremo por existir máis demanda que número de vacantes, abrirase un prazo de presentación da mesma de dez días hábiles, o que se anunciará ao día seguinte do peche do prazo de solicitudes.

Oferta de prazas vacantes:

• Ofértanse sete prazas vacantes para o curso 2024-25. Segundo a normativa referida máis abaixo, dúas desas prazas estarían reservadas para a escolarización de alumnado con NEAE.

Área de influencia:

• Segundo a información ofrecida polo Concello, a área de influencia da EEI de San Bartolomeu comprende a parroquia de Pravio.

Servizos complementarios:

• A EEI de San Bartolomeu ofrece servizo de Mañanceiros, ofrecido polo Concello de Cambre.

Centro de adscrición:

• O centro de adscrición da EEI de San Bartolomeu é o CEIP Wenceslao Fernández Flórez de Cambre.

Calendario:

• Prazo de presentación de solicitudes: do 1 ao 20 de marzo, ambos os dous incluídos.
• Prazo de presentación de documentación xustificativa do baremo alegado: des díaz hábiles comprendidos entre o 21 de marzo e o 11 de abril.
• Publicación das listaxes provisionais de persoas admitidas e excluídas: 25 de abril.
• Plazo de reclamación ás listaxes provisionais: cinco días hábiles desde a publicación.
• Publicación das listaxes definitivas: 15 de maio.
• Formalización da matrícula: do 20 ao 30 de xuño.

Información adicional:

1.  Todo o alumnado incluído no ámbito desta orde poderá presentar solicitude de admisión, pedindo ata seis (6) centros por orde de preferencia, e alegar os criterios de admisión que pretenda que se lle valoren. Esta solicitude de admisión dirixirase ao centro solicitado en primeiro lugar. Despois de presentar unha solicitude de admisión, para renunciar a ela deberá facerse expresamente, indicándoo no recadro correspondente da nova solicitude que deberá presentarse.
2. O alumnado que teña prioridade para continuar estudos nun centro de adscrición pode exercer o seu dereito á reserva de praza presentando solicitude de reserva no centro adscrito, isto é, no que está matriculado nese momento, e identificará o centro de adscrición que solicita.
3. En todo caso, a solicitude de reserva ou de admisión é única para cada alumno/a e ten carácter vinculante. A súa presentación implica que son certos os datos indicados nela. A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza reservada a 28 de febreiro (este incluído) poderán ser causa de perda do dereito a participar no procedemento nos termos previstos no artigo 8.
4. A admisión e a matriculación nun centro docente público ou privado concertado implicarán respectar o proxecto educativo.

Poderase consultar na aplicación admisionalumnado:

• O cronograma coas datas dos trámites principais do procedemento de reserva, admisión ordinaria e matrícula.
• A previsión de postos escolares dispoñibles e as súas modificacións.
• A relación do alumnado de cada curso, co número da solicitude de admisión asignado pola aplicación admisionalumnado no momento da súa gravación.
• O estado de tramitación da súa solicitude utilizando o número de solicitude e o número de DNI da persoa solicitante.
• A listaxe do alumnado con posto reservado e a listaxe provisional e definitiva do alumnado admitido coa puntuación total e do alumnado non admitido, utilizando calquera dos mecanismos de identificación admitidos pola sede electrónica da Xunta de Galicia, incluíndo o certificado dixital e Chave365.

Lexislación:

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

• Instrucións da Dirección Xeral de Centros e Recursos Humanos sobre o desenvolvemento do proceso de admisión de alumnado en centros docentes sostidos con fondos públicos para o curso académico 2024-2025

• Anuncio sorteo público anual do número de prioridade para resolver os empates no procedemento de admisión de alumnado no curso 2024/25

• Resolución do sorteo público anual do número de prioridade para resolver os empates no procedemento de admisión de alumnado para o curso 2024/25

O próximo luns 19 de febreiro. ás 18.30 horas, terá lugar unha xornada de portas abertas para as familias que estean interesadas. Prégase confirmar asistencia.

ATENCIÓN, MODIFICACIÓN DO HORARIO:

A xornada terá lugar ás 18:30h, unha hora máis tarde do anunciado inicialmente, para facilitar a asistencia a outras xornadas de escolas da zona.