A vindeira semana comeza o PROCESO DE RESERVA DA PRAZA PARA O ALUMNADO QUE VAI CURSAR 1º DE PRIMARIA NO CEIP WENCESLAO FERNÁNDEZ FLÓREZ de Cambre que é o noso centro adscrito polo que debedes estar atentas/os aos prazos:
RESERVA DE PRAZA:
16 DE XANEIRO AO 6 DE FEBREIRO
COMO É O PROCESO:
Existen dúas vías:
1. De xeito telemático (recomendada): a través da aplicación admisionalumnado
2. De xeito manual: cubrimos oANEXO Ie entregámolo no centro de orixe (EEI de San Bartolomeu).
O Consello Escolar aprobou o día 11 de xaneiro de 2023 o criterio complementario para o proceso de admisión quedando recollido da seguinte forma:
"que algún irmán ou irmá estivese anteriormente matriculado no centro"
A normativa legal que se tivo en conta foi a que se expón a continuación:
Artigo 9 do Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
Artigo 24 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
A inspección educativa ven de confirmarnos que autoriza o día 05/12/2022 como día non lectivo escollido polo centro polo que ese luns non haberá clase.
A nosa escola foi admitida no programa de innovación Plan Proxecta+, no programa "Protexe os animais". O programa consiste en desenvolver un proxecto que desenvolva a concienciación na sociedade actual do respecto e na protección dos animais domésticos, asentar valores fundamentais na tenza responsable de mascotas e análise crítica dos actos e das condutas non desexadas, como o abandono e o maltrato. O proxecto presentado pola mestra foi elixido polo que temos a sorte de ser un dos 20 centros participantes nesta convocatoria. Podedes acceder ás actividades que se van realizando na marxe lateral pulsando sobre a icona.
Recordade que os alumnos/as que queiran CONTINUARco servizo de mañanceiro ou ben solicitalo por primeira vez, terán que facelo a través da Sede electrónica da páxina web do concello ou ben nos rexistros municipais. O prazo para facelo vai do 15 de xunio o 15 de xulio. Podedes solicitar máis información chamando ó Concello de Cambre ou na súa páxina web.
Como xa sabedes todo o alumnado da EEI San Bartolomeu ten dereito a asistir as actividades extraescolares do noso centro de adscrición o CEIP Wenceslao Fernández Florez. O prazo para que vos podades apuntar remata o 30 de maio. Preme nas imaxes se queres descargar a documentación.
Durante a semana do libro estivemos a traballar o conto "Crocodilo" da editorial Kalandraka, xogamos a contalo rápido, contalo lento...identificamos as diferentes palabras que van aparecendo, fixemos xogos con esta temática e por último fixemos este video para compartir coas familias. Cada quen fixo algo diferente polo que o primeiro que fixemos foi unha repartición de tarefas. Algúns tiñan que debuxar as ilustracións, outros darlles cor, outros foron escribindo a poesía do conto e por último gravamos a narración. Este é o resultado: