O noso agreadecemento ao Centro de Investigación Forestal de Lourizán pola acollida e a viaxe tan especial que organizaron para os nosos pequenos/as. A localización das imaxes pertencen aos exteriores do Pazo de Lourizán e á Lagoa de Castiñeiras, terras de Pontevedra. Comprometid@s co coidado da contorna natural e a loita contra o cambio climático no marco do programa Mestres Gandeiros do Plan Proxecta 2022-23.

ACTIVIDADE SUBVENCIONADA grazas ao convenio de colaboración asinado entre o Concello e o CRA de Dodro no 2023.

Composteir@s comprometid@s co coidado da nosa contorna e o medio ambiente, xunt@s contra o cambio climático!.

Aquí vos deixamos un adianto do ben que o están a pasar os nos@s pequen@s sementando, coidando e observando os cambios que se producen cada día nas súas cenorias, leitugas, amorodos,...

As actividades que estamos a desenvolver forman parte do proxecto "Cultivando con Lecra nas nosas escolas" dentro do programa Mestres Gandeiros do Plan Proxecta 2022-23.

Grazas á axuda económica da Comunidade de Montes Cruz do Avelán puidemos adquirir  invernadoiros para cada escola, maceteiros de madeira, materiais e recursos para sementar, e un montón de axuda e asesoramento para montalos e poñelos a funcionar, ademais de participar en actividades de plantación en colaboración co IES de Arzúa no noso centro. Por último, agradecer á Escola de Capacitación Agraria de Lourizán por contar connosco para desenvolver actividades co noso alumnado.

 Lecra deixou por aquí uns recordos, pero antes queremoslle dar as grazas ao CPI Eusebio Lorenzo Baleirón por compartir connosco este día, ás familias polo voso acompañamento e polos doces tan saborosos que achegastes, e ao avó de Martín pola súa xenerosidade ao ofrecernos o seu tractor. Esperamos que o desfrutedes tanto coma nós.