Aquí vos deixamos un adianto do ben que o están a pasar os nos@s pequen@s sementando, coidando e observando os cambios que se producen cada día nas súas cenorias, leitugas, amorodos,...

As actividades que estamos a desenvolver forman parte do proxecto "Cultivando con Lecra nas nosas escolas" dentro do programa Mestres Gandeiros do Plan Proxecta 2022-23.

Grazas á axuda económica da Comunidade de Montes Cruz do Avelán puidemos adquirir  invernadoiros para cada escola, maceteiros de madeira, materiais e recursos para sementar, e un montón de axuda e asesoramento para montalos e poñelos a funcionar, ademais de participar en actividades de plantación en colaboración co IES de Arzúa no noso centro. Por último, agradecer á Escola de Capacitación Agraria de Lourizán por contar connosco para desenvolver actividades co noso alumnado.