CRA de Dodro

Queremos recordar e compartir con vós algúns momentos vividos no CRA durante este curso. Xogos, sorrisos, traballos, saídas, actividades, festas. Tamén queremos agradecer ás institucións que fixeron posible moitas das actividades feitas e, por suposto, ás familias.

Grazas por un curso inolvidable!!!

Chegou o último día de curso e os peques tiñan ganas de........ FESTA!!!

Así que, despois de tanto tempo, desfrutamos dunha divertida xornada dando botes seguido.

Mirade, mirade!

Neste curso continuamos aprendendo unha chea de cousas sobre o corpo humano, e así volo amosamos no seguinte vídeo.

Agardamos que vos guste!!

Que bonito é o noso idioma! Quixemos realizar unha actividade na que os peques escolleran a palabra galega que máis lles gustara. Finalmente cada escola decidiuse por unha, que escribiron nunhas bolsas de tea nas que levaron os seus traballiños. As palabras seleccionadas foron: corazón, maxia, calma e bolboreta.

As bolsas quedaron preciosas!!!

 Estivemos  practicando a lectoescritura, discriminando e escribindo nomes de lugares de interese do Concello de Dodro. Tamén practicamos o debuxo, recreando algunhas imaxes destes lugares. Somos uns artistas! E ademais atrevémonos a facer un sudoku e un puzzle que nos saiu xenial.

No noso Concello temos moitos tesouros culturais; un deles son os petróglifos. Os nosos peques pasárono xenial investigando e descubrindo estas xoias do noso contorno.

Queremos agradecer á Comunidade de Montes Cruz do Avelán que fixera posible esta actividade.

No CRA quixemos concienciar ao noso alumnado sobre o acoso escolar. Para iso traballamos o conto "Orellas de bolboreta", de maneira que vexan a importancia de respectar a todos e todas.

O noso alumnado de 6º de Educación Infantil pronto deixarán o CRA; por iso quixemos organizar unha xuntanza con todos eles para que pasasen un bo rato e se coñecesen máis.

Así de ben o pasaron!!

No CRA quixemos achegar ao noso alumnado a outras formas de comunicación que non son tan habituais na súa vida cotiá, como por exemplo a lingua de signos. Por iso, dentro do noso proxecto "Viaxando con Lecra polo Concello de Dodro", aprenderon a signar "Concello de Dodro". Animádevos a practicar!!

ACTIVIDADE SUBVENCIONADA grazas ao convenio de colaboración asinado entre o Concello e o CRA de Dodro no 2022.

Bote para arriba e bote para abaixo, así pasaron toda a mañá os nosos pequenos saltaríns e saltarinas no centro de ocio "Mountain house".

Na seguinte imaxe poderedes comprobar que ben o pasaron!!!