CRA de Dodro

Co motivo do Día Internacional das Persoas con Discapacidade (3 de decembro) tivemos a visita dun grupo de persoas da Asociación Andaina do Concello de Dodro. Estiveron cos cativos das nosas escolas facendo unha actividade artística. Cada un debuxouse nun cadro común.

SOMOS DIFERENTES, SOMOS IGUAIS

CADA UN COAS SÚAS CAPACIDADES

Os cativos do CRA tiveron a oportunidade de coñecer a Casa do Concello de Dodro grazas a visita guiada que lle organizou o Concelleiro de Educación Abel Tarrío. 

Nesta visita tiveron a oportunidade de estar no salón de plenos e como sabios concelleiros e concelleiras aprobaron grandes melloras para o CRA!!!. 

O 25 de novembro conmemorouse o Día Internacional contra a Violencia de Xénero e no CRA tivemos a gran sorte de contar con dúas colaboracións especiais.

O Concello organizou CONTACONTOS NO CRA pola semana contra a Violencia de Xénero e ata as escolas veu Raquel que nos amenizou a mañá co conto: A BONECA DE LUCAS e cunha actividade plástica posterior.

O venres 25 de novembro visitamos á Biblioteca Municipal e alí unhas nais do CRA léronnos 2 contos: UNHA PARELLA DIFERENTE E BRANCANEVES E OS 77 ANANIÑOS.

Qué ledicia escoitalas e que ben o pasamos!! Os máis pequenos non paraban de rir. Posteriormente, fixeron unha manualidade e cada neno/a levou o seu ananiño para casa.

Queremos darvos as grazas por compartir estes momentos con nós. Esperamos que haxa moitos outros.

O noso agradecemento ao CPI Eusebio Lorenzo Baleirón, ao alumnado de 4º de ESO e á profe María por esta colaboración tan especial, así como ao Concello de Dodro e á Comunidade de Montes Balouta e Fontecova.

Magosto 2022

O xodo da carrasquiña

Nas escolas tamén pasamos unha semana terrorífica!!!! Deixamos unha mostra.