Onte realizamos a actividade que nos trouxeron sobre o composteiro: decorámolo, puxémoslle nome e comezamos a enchelo con restos de froita, follas secas e herbas, para obter un bo sustrato para o noso horto.

Tamén aproveitamos para recoller lixo enterrado, nivelar un pouco o terreo e recoller pedras, para deixar o noso horto máis fermoso.

Aquí tedes unha mostra:

Celebramos o Entroido 2023 no cole co tradicional pasarúas polo pobo, onde nos agasallaron con caramelos.

Este ano o tema principal foi a música e os alumnos de Infantil presentáronnos a súa "banda molona  de Uxía Lambona".

Os rapaces de primeiro, segundo e terceiro volvéronse uns rockeiros, cunhas guitarras profesionais moi chulas.

Os compañeiros de cuarto, quinto e sexto trouxeron o espectáculo mariachi e os alumnos da ESO representaron a época de "Grease"

O luns día 30 de Xaneiro celebramos o día da Paz coa segunda carreira popular para a ONG "Save the children", onde os nenos buscaron patrocinadores para correr por outros nenos que non teñen as mesmas posibilidades.

A pesares do frío, a carreira estivo moi animada, xa que cantaron cancións pola paz e tamén nos acompañaron membros da residencia de maiores do pobo, que ata se animaron a correr!

Moitas gracias pola colaboración!

O día 22 de decembro celebramos o festival de Nadal no cole e puxemos fin ó primeiro trimestre con bailes, cancións e obras que representaron os alumnos. Foi un día de xuntanza coas familias onde lle demos a benvida ó comezo das vacacións.

Felices vacacións e bo ano novo 2023. Vémonos o 9 de xaneiro.

Co motivo do día Internacional para a eliminación da violencia contra a muller, o luns 28 de novembro conmemoramos esta data co visionado dun vídeo que preparamos dende o cole, onde nenos e profesores daban o seu punto de vista sobre varias cuestións como a violencia de xénero ou a igualdade. 

O venres, 7 de Outubro inauguramos a biblioteca do cole, que este ano abriu con moitas novidades e cunha organización renovada e mobiliario novo...Esperamos que vos guste tanto coma nos...