O alumnado da ESO recitou uns poemas pola conmemoración do día da PAZ, diante do mural de Picasso "La Paz", realizado polo profesor Javier Rey. Un rato de convivencia e solidariedade de todo o alumnado do noso centro no que se traballaron valores tan importantes como a paz, a solidariedade e o respecto. 

O pasado día 1 gozamos dun día de deporte e convivencia espectacular no IES de Becerreá, esta vez participamos no campionato de tenis de mesa, un deporte apaixonante e moi divertido que nos fixo pasar momentos moi agradables ao longo da xornada. Ademais, tivemos a sorte de contar coa visita dun Campión do Mundo deste deporte, o lucense José Manuel Abelairas, que realizou unha desmostración xunto con outro adestrador do club ao que pertencen. Agora emprazámonos para o terceiro trimestre, no que o protagonista será o baloncesto. 

A Consellería suspendeu o servizo de transporte para todo o día de mañá mércores 18, iso non implica a suspensión das clases, esa é unha decisión do equipo directivo salvo que a Consellería publique outro comunicado. Neste caso, vista a previsión para o mércores, o máis probable é que se suspendan as clases. De tódolos xeitos, en canto podamos, trasladaremos a decisión a tódalas familias. Moitas gracias e disculpade de novo as molestias.

Bo día familias, 

-Xa tedes na administración de Pedafrita, lotería de Nadal do colexio.

Moitas gracias.

https://www.canva.com/design/DAFSDZep04Y/watch

No día de hoxe, tras celebrarse a 2ª reunión da Xunta Electoral, publícanse as candidaturas dos distintos sectores de representación no Consello Escolar.

A votación do representante dos pais / nais ou titores legais terá lugar o vindeiro xoves 24 de novembro de 12:30 a 14:30 na biblioteca do colexio.

Anímovos a participar.

Grazas.

En relación á renovación do Consello Escolar, publícanse os seguintes documentos:

-Circular explicando o calendario para a renovación do Consello Escolar

-Convocatoria e explicación da elección dos representantes de pais /nais ou titores/as legais

-Modelo de candidatura de pais /nais de alumnado

O modelo de candidatura pódese descargar da páxina web ou recollelos no colexio, e será remitido unha vez cuberto ó presidente da Xunta Electoral (director do centro) a través da secretaría do centro.