Están publicadas no centro as listaxes definitivas do fondo solidario de libros de texto para educación primaria correspondentes ao curso 2020-2021. Tamén se poden consultar mediante a aplicación Fondolibros do portal da Xunta de Galicia accedendo con certificado electrónico ou chave 365.

Os pais, nais, titores ou representantes legais do alumnado poden pasar a recoller, desde o luns 20 de xullo, os vales para a adquisición de libros e material escolar, solicitando previamente cita a través do teléfono do centro.

Están publicadas no centro as listaxes provisionais correspondentes ao fondo solidario de libros de texto para o curso 2020-2021 co número mínimo de libros asignados. As listaxes definitivas, nas que se concretan os libros asignados a cada alumno, publicaránse antes do día 20 de xullo para 3º e 4º de educación primaria, e antes do 14 de setembro para 2º, 3º e 4º ESO.

Dacordo coa resolución da consellería de Educación, Universidade e Formación Profesional do 7 de maio de 2020, o prazo para formalizar a matrícula de alumnos de nova incorporación é do 1 ao 10 de xullo. Deberase cubrir e entregar no centro a folla de matrícula correspondente:

• Formalización de matrícula en educación infantil ou primaria
• Formalización de matrícula en educación secundaria obrigatoria

Do 1 ao 31 de xullo poderase solicitar o servizo de comedor escolar para todos os alumnos matriculados no centro. Deberase cubrir e entregar no centro a folla de autodeclaración.

• O día 23 de xuño farase a entrega de notas e a recollida dos libros de texto na aula de referencia do alumnado, agás aqueles necesarios para preparar os exames de setembro.

• Ao alumnado de 1º, 2º e 3º ESO entregaráselles unha folla para a elección das materias optativas do vindeiro curso que deberán devolver asinadas polos proxenitores.

• O alumnado de 4º ESO que titula en xuño levará toda a documentación necesaria para poder formalizar a matrícula no centro correspondente.

A devolución e recollida realizarase por quendas das que serán informas polas titoras do curso correspondente, e durante o proceso, respectaranse as medidas de seguridade (utilización do xel na entrada, separación física, máscara,.....) No caso de ter que asinar algún documento, é preferible que traian o seu propio bolígrafo.

Recordamos que a falta de devolución do material prestado será causa de exclusión da participación no fondo solidario e das axudas para adquirir libros de texto e material escolar do curso 2020-21.

(

ALUMNADO ADMITIDO 2020-2021

Houbo oito solicitudes novas  para 4º de educación infantil e unha para 1º de ESO.

Todos foron admitidos, aínda que pola lei de protección de datos non podemos publicar aquí os seus nomes.

A dirección do centro informa:

Dende o momento que se levantaron as restricións de movemento coincidentes coa fase II da desescalada, poden os proxenitores vir recoller os material dos seus fillos/as ao centro educativo.

Para unha mellor organización aconséllase solicitar cita previa no teléfono 881 880 671.

Tendo en conta que a devolución dos libros de texto do curso 2019-20 se fará entre o 23-06-2020 e o 07-07-2020 *, recoméndase, sempre que sexa posible, que a recollida e a devolución se fagan o mesmo día.

Para tal efecto o centro elaborará un calendario que lle fará chegar a través das titoras.

*agás para o alumnado de ESO que teña materias pendentes para setembro.

Para  acceder á orden completa prema aquí

Para consultar as instrucións acceda ao arquivo adxunto ou prema aquí

Para cumprimentar solicitude prema aquí

Se quere consultar a carta enviada ás familias pode facelo aquí ou no arquivo adxunto