Skip to Content

ACTIVIDADES COMPLEMENTARIAS

PRIMEROS AUXILIOS

A semana pasada tivemos a visita das sanitarias do centro de saúde de Vilanova de Arousa. O alumnado de 5º curso puido aprender os pasos a seguir na reanimación cardiopulmonar ou que facer no caso de atragantamento. Queremos agradecer unha vez máis a disposición das sanitarias para facer actividades co noso centro.

INTERNET

Debido a que traballamos diariamente na rede e o alumnado tamén a utiliza no seu tempo libre, consideramos necesario que se empregue con responsabilidade. É por iso que estes días tivemos unha charla de NAVEGA CON RUMBO (por parte dun enxeñeiro informático) e outra de CIBERSEGURIDADE (por parte da garda civil).

 

DÍA MUNDIAL DE CONCIENCIACIÓN SOBRE O AUTISMO

O 2 de abril realizamos no colexio diversas actividades para coñecer, falar e concienciar sobre o autismo. Deixámosvos por aquí unha pequena mostra. Esperamos que vos guste!

 

VISITA LÚA PIÑEIRO

O martes visitounos Lúa Piñeiro, a campeona de España de Taekwondo. Con ela os pequenos de Educación Infantil desfrutaron practicando deporte. Que mellor forma de festexar tamén o día da muller! Moitas Grazas pola visita!

DÍA DA MULLER

Polo día da muller realizáronse distintas actividades. Entre elas unha charla e práctica coa esgrimista Araceli Bugallo e a visita dunha nai que traballa como militar. 

CENTRO DE SAÚDE

Onte o alumnado de 6º de Educación Infantil realizou unha visita ao Centro de Saúde de Vilanova de Arousa. O persoal sanitario tiña organizadas unha serie de actividades moi divertidas en cada unha das estacións: enfermería, medicina xeral, pediatría, análises, fisioterapia, nutrición e urxencias. Dende aquí gustaríanos darlles as grazas, por ensinarnos o seu traballo dun xeito tan lúdico. Foi unha visita do máis interesante!

EDUCACIÓN VIAL

Como cada ano, esta semana contamos coa presenza da Policía Local de Vilanova para destacar a importancia da seguridade vial. Maqui, coñecido xa por todo o alumnado, dounos unhas claves para continuar sendo unha xeración 0´0. Coma sempre, moitas grazas!

 

DÍA DE ROSALÍA

Para conmemorar o 23 de febreiro, Día adicado a Rosalía de Castro, realizamos diversas actividades entre as que se atopan a representación e recitado de distintos versos, a decoración de macetas con motivos características da autora e a plantación de pensamentos, entre outras.

ENTROIDO

Deixámosvos unha mostra dos nosos disfraces do Entroido

 

PAZ

Esta semana estamos realizando distintas actividades relacionadas coa PAZ. Entre elas fixemos murais, bailes, lecturas interniveis, visionamos curtametraxes e lemos un manifesto. Se queredes acceder ao texto do mesmo, podedes facelo clicando en manifesto.

Facendo clic na seguinte foto podedes ver un vídeo da actuación polo Día da Paz.

Distribuir contido


by Dr. Radut