OBRADOIRO DE HENNA 

O venres 11 de xuño, tivemos a visita dunha amiga e unha nai do colexio que debuxaron as nosas mans e pernas con "henna"(pigmentos naturais extraídos de plantas e barros que tinguen de cor non permanente a pel) a través de distintas técnicas con plantillas e xeringuilla.

Os nenos e nenas asistiron ao proceso de debuxado, así como á preparación do té árabe e á súa degustación xunto a un doce típico.

O obradoiro resultou un éxito, ata as nais quixeron "tatuarse" un bonito deseño.

Dar a coñecer outras culturas é o mellor xeito de integración e de facer libres aos nenos e nenas,

 abrindo mente e corazón ao novo.

O 21 de maio de 2010

Recibimos a visita de ANXO LORENZO, o gaiteiro de Tirán. Ofreceunos un concerto didáctico moi especial a todos os nenos e nenas do CEIP Tirán. Anxo é un gaiteiro recoñecido internacionalmente,  que amablemente compartiu connosco a súa máxica música e contestou tranquilamente a todas as preguntas dos nenos.

O nome do seu último disco é TIRÁN, por ser a súa terra do que máis orgulloso se sinte. A primeira canción do disco que leva o mesmo nome, comenza cas olas do mar de Tirán.

Os nenos quixeron regalarlle unha CURUXA moi especial para nós que iguala á que temos no tellado do colexio. Esperemos que o noso cole voe tan alto como Anxo, que xa quedou connosco de voltar no vindeiro Nadal  para así podelo disfrutar en exclusiva xunto aos pais e nais do colexio.

QUEDAS CONVIDADO TI TAMÉN, ANXO,

A VOLTAR POR AQUÍ CANDO QUEIRAS.