Do 3 ao 7 de xuño contaremos cun Punto Limpo Móbil no noso centro, onde poderedes depositar os seguintes residuos: lámpadas, pilas, CD/DVD, aerosois, baterías, botes de pintura e pequenos aparatos electrónicos.

A súa ubicación será no patio traseiro da escola.

O Diario Oficial de Galicia (DOG) ven de publicar a ORDE do 7 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2024/25.

Aplicación Fondo Libros

Información axudas libros de texto 2024-2025

Xa está aberto o prazo para solicitar as becas e axudas para alumnos con necesidad específica de apoio educativo.

Toda a información pode consultarse a través da seguinte ligazón.

O prazo é do 30 de abril ao 13 de setembro de 2024.

Hoxe, 6 de maio, xa se poden consultar as listaxes definitivas de admitidos e non admitidos para o próximo curso 2024-2025 no taboleiro da biblioteca do centro.

Queda gardada na secretaría do centro unha listaxe definitiva coa puntuación obtida desagregada por criterios do baremo para a consulta por parte das persoas interesadas no proceso de admisión, tras sinatura dun documento de confidencialidade.

Contra a relación definitiva de admitidos poderase interpoñer recurso de alzada ante a persoa titular da Xefatura Territorial, no prazo dun mes contado a partir do día seguinte a publicación.

Hoxe, 15 de abril, xa se poden consultar as listaxes provisionais de admitidos e non admitidos para o próximo curso 2024-2025 no taboleiro da biblioteca do centro.

Queda gardada na secretaría do centro unha listaxe provisional coa puntuación obtida desagregada por criterios do baremos para a consulta por parte das persoas interesadas no proceso de admisión, tras sinatura dun documento de confidencialidade.

Poderánse formular reclamacións ante o Consello Escolar do centro no prazo de 5 días hábiles a partir do día seguinte á publicación da listaxe.

Dada a insuficiencia de postos escolares dispoñibles para atender todas as solicitudes de admisión presentadas para 4º de Educación Infantil para o curso 2024/2025 e de conformidade co disposto no artigo 30.2 da Orde de 21 de outubro de 2022, ábrese un prazo de 10 días hábiles, ata o 5 de abril, para a presentación,  de forma presencial, da documentación xustificativa dos criterios do baremo alegados para realizar a valoración e establecer a orde de prelación das solicitudes que se relacionan.

Así mesmo, sinálase para esta solicitudes o número aleatorio que lles corresponde para poder aplicar, de ser o caso, o criterio de desempate regulado no artigo 34,2 da devandita orde. Pódese consultar o devandito número na secretaría do centro ou no taboleiro de anuncios da biblioteca.

NÚMERO DE VACANTES DO CENTRO:

-2º ciclo de Educación Infantil: 1 vacantes.

-1ºe 2º de Educación Primaria: 5 vacantes.

*Para escolarizar alumnado con necesidades específicas de apoio educativo, reservaranse 3 postos escolares en 1º de Educación Primaria.

No momento da solicitude deberán xustificar coa documentación pertinente a situación de alumnado con necesidades específicas de apoio.

As prazas reservadas non adxudicadas a este alumnado asignaranse conforme o proceso ordinario.

ÁREA DE INFLUENZA DO CENTRO:

A semana pasada voltamos compartir outro momento de lectura. Deste vez lemos "Oso sonámbulo" e encantounos. 

Ese oso tiña moi mal humor!

Feliz Entroido!

A continuación deixámosvos un pequeno vídeo que fixemos para celebrar o Entroido.

Clicade aquí para velo nun dos nosos blogs