Hoxe é o día internacional da Dislexia. Baixo o lema # UNIDOS POLA DISLEXIA, queren facernos recapacitar na importancia de detectar este trastorno de aprendizaxe de xeito temperán para darlle unha resposta educativa axeitada, e así poder BRILLAR.
O noso centro conta co método DIVERLEXIA, un método para ensinar de forma distinta a quen aprende de xeito diferente.
Hoxe conmemórase o día da Parálise Cerebral, co lema #168 horas, facendo referencia ás horas que ten unha semana e ás horas que as persoas con parálise cerebral precisan axuda.
Sabemos que eles precisan axuda para moitas cousas; pero tamén sabemos que con estas axudas eles son capaces de chegar moi lonxe...
Así que non perdamos o tempo... e dediquemos 168 horas pola inclusión.
Aquí vos deixamos a edición dixital da Revista escolar "A Buxaina". Como ben sabedes está elaborada cos traballos realizados polo alumnado ao longo deste curso escolar 2020 21.
Nas datas previas ao día das Letras Galegas traballamos nas aulas o libro inédito de Xela Arias "NON TE AMOLA!" publicado pola editorial Galaxia. Cada unha das aulas de educación primaria do centro reilustrou (no orixinal ilustrados por Luz Beloso) un capìtulo do libro e fixo un resumo do mesmo...
Tamén podedes acceder aos distintos capitulos de libro de maneira individual a través da seguinte galería de CÓDIGOS QR (só tedes que escanealos cun dispositivo móbil e seguir o enlace).
A PARTIR DE MAÑÁ, PODEMOS VISITAR A EXPOSICIÓN DONAS DE SI. ONDE ESTÁN RECOLLIDOS OS TRABALLOS DE INVESTIGACIÓN QUE FIXERON AS AULAS DO CENTRO SOBRE MULLERES IMPORTANTES DE GALICIA.
Achégase o 2 de abril "Día Mundial da concienciación do autismo". Este ano baixo o lema "PODO APRENDER, PODO TRABALLAR", invítasenos a reflexionar sobre o dereito das persoas TEA a unha educación inclusiva que promova o seu éxito académico e persoal.