Skip to Content

CONMEMORACIÓN DO DÍA INTERNACIONAL CONTRA A VIOLENCIA DE XÉNERO

O luns 25 de novembro a nosa comunidade educativa conmemorou o DÍA INTERNACIONAL CONTRA A VIOLENCIA DE XÉNERO. Alumnado de todos os cursos participou na confección dunha pancarta que se puxo no patio cuberto onde, en presencia de toda a comunidade educativa, léronse lemas escritos pol@s alumn@s de 6º de EP. Tamén participamos tod@s, vestidos de negro e coas mans pintadas de violeta, na interpretación da canción CHEA DE VIDA de Guadi Galego.

 

Nos próximos días poderedes ver o vídeo no noso blog.

O martes 26 continuamos coa celebración, en todos os cursos, cunha actividade de teatro e taller que rematou coa formación dun lazo violeta no patio.

TRÍPTICO INFORMATIVO CURSO 2019-20

Iº MERCALIBRO SOLIDARIO

Para conmemorar o día internacional do libro, 23 de abril, organízase durante esta semana a primeira edición do MERCALIBRO SOLIDARIO baixo o lema "Os libros tamén alimentan".

O martes 30 de abril os libros aportados a este fin poderanse cambiar por alimentos non perecedeiros que serán entregados ao Banco de alimentos.

Moitas gracias, as familias participantes, coa vosa axuda reuníronse preto de 300 kilos de alimentos que se entregaron ao Banco de alimentos.

30 DE XANEIRO - DÍA DA PAZ

Hoxe celebramos no noso centro o Día da Paz coa participación de tod@s @s nos@s alumn@s.

Un grupo de alumn@s de 6º de EP leron unhas mensaxes de Paz e tod@s xunt@s interpretam@s a canción "Quérote máis" de O Sonoro Maxín.

CAMPAÑA CAMIÑOS SEGUROS

Recentemente celebrouse o concurso escolar de cartas e debuxos sobre seguridade viaria organizado pola asociación Stop Accidentes e a Fundación Mapfre coa colaboración de diferentes organismos públicos como o Concello da Coruña.

Dito concurso está relacionado coa campaña Camiños Seguros, consistente no deseño dunhas rutas seguras para que os rapaces poidan ir ao colexio en grupo de forma segura seguindo os camiños marcados con raniñas que hai por toda a cidade.

Como sabedes, o noso centro está a participar durante este curso tanto na campaña dos camiños seguros como no concurso, así como noutras actividades de fomento da seguridade viaria e da mobilidade sostible como foi a Semana Europea da Mobilidade ou mais recentemente a proxección no centro dunha película sobre o inimaxinable esforzo que para moitos rapaces de distintos lugares do mundo supón chegar cada día aos seus colexios.

Dende aquí queremos agradecer o esforzo de tod@s @s alumn@s de 3º a 6º do CEIP de Prácticas que presentaron as súas cartas e debuxos ao concurso. Singularmente queremos destacar a Sara Grisales ÁvilaMaría Bellas SánchezClaudia Rodríguez Gude que chegaron a ser finalistas no certame e moi especialmente damos ao nosos parabéns a Sara García Dapena de 6º curso que conseguiu ser unha das gañadoras coa súa carta, a cal ilustra o mes de maio do calendario elaborado polos organizadores para celebrar este evento.

Sara García Dapena lendo a súa carta.

Imaxe con todos os gañadores e finalistas.

ESTUDIO INTERNACIONAL SOBRE SAÚDE INFANTIL

Estimadas familias:

Na actualidade estase desenvolvendo un Estudio Internacional sobre Saúde Infantil no que participan a Consellería de Sanidade do goberno de Galicia, a Universidade da Coruña e a Fundación María José Jove.

Conscientes da importancia do mesmo, o noso colexio vai colaborar nese estudio, polo que todas as familias d@s alumn@s de 1º e 2º de Educación Primaria recibirán nestes días un cuestionario voluntario para responder na casa.

Canto maior sexa a paticipación máis fiables serán as conclusións que se poidan obter cara unha mellora futura da saúde infantil polo que dende o centro animamos a todas as familias a participar no estudio.

A data tope para devolver os cuestionarios cubertos será o venres 18 de xaneiro.

Felices festas

     Para celebrar o Nadal, decoramos a entrada do noso colexio, esperamos que vos guste.

    Tamén queremos aproveitar a ocasión para desexarvos unhas moi felices festas a toda a comunidade educativa e un magnífico ano 2019.

    Hoxe celebramos unha festa. Contamos coa visita dos Reis Magos e chocolatada, gracias a colaboración do ANPA, e despois o festival coas actuacións do alumnado de todos os cursos.

O CEIP DE PRÁCTICAS PARTICIPA NA CELEBRACIÓN DA SEMANA DE XAPÓN EN GALICIA

Por primeira vez o CEIP de Prácticas participu nos actos de conmemoración da Semana de Xapón en Galicia. O evento tivo ademáis especial relevancia este 2018 por cumprirse 150 anos do estrablecemento de ralacións diplomáticas entre Xapón e o estado español. A celebración desenvolveuse durante tres días en Vigo, Santiago de Compostela e A Coruña, fundamentalmente nas tres universidades e nas Escolas Oficiais de Idiomas e este ano tamén no noso colexio.

 

O obxectivo principal desta participación era que o alumnado coñecese máis de cerca outras culturas distintas ás do noso entormo, despertando así a súa curiosidade sobre outras formas de pensar e vivir.

Nesta ocasión, dous membros da embaixada xaponesa en Madrid estiveron no colexio representando un Kamishibai, forma tradicional xaponesa de contar os contos axudándose de láminas con imaxes. Asimesmo lles explicaron aos rapaces moitas outras curiosidades e costumes do pobo nipón.

         

Esperamos que o vindeiro curso o noso centro poida acoller incluso un maior número de actividades sobre a cultura, o pensamento e as tradicións de Xapón.

       

CONMEMORACIÓN DO DÍA INTERNACIONAL CONTRA A VIOLENCIA DE XÉNERO

      O pasado venres 23 de novembro a nosa comunidade educativa conmemorou o DÍA INTERNACIONAL CONTRA A VIOLENCIA DE XÉNERO. O alumnado de todos os cursos participou na confección dunha pancarta que se puxo na entrada do centro en presencia de toda a comunidade educativa.

 

Aprendendo sobre a Prehistoria na clase de ciencias sociais.

O alumnado de 4° de educación primaria traballou o tema da Prehistoria xunto coa profesora de ciencias sociais  durante as últimas semanas. Houbo investigación, traballo en equipo, educación artística,.... Foron actividades moi satisfactorias das que mostramos algunhas imaxes a continuación .

Distribuir contido


by Dr. Radut