Actividades

LENDAS DE GALICIA

ESTE ANO A TEMÁTICA ESCOLLIDA PARA DISFRAZÁRMONOS NO ENTROIDO FOI "LENDAS DE GALICIA". CADA CLASE ESCOLLEU UNHA LENDA QUE SE TRABALLOU AO LONGO DE VARIAS SEMANAS NA AULA E DESPOIS O ALUMNADO DOS DIFERENTES CURSOS FOI EXPOÑENDO AO RESTO DOS COMPAÑEIROS O APRENDIDO. DESTE XEITO TODOS COÑECEMOS UN POUQUIÑO DAS DIFERENTES LENDAS E PUIDEMOS IDENTIFICAR OS DISFRACES DOS NOSOS COMPIS O DÍA DA FESTA.

ADEMAIS CADA CLASE ELABOROU UN CARTEL ONDE SE RECOLLÍAN OS ASPECTOS MÁIS CARACTERÍSTICOS DOS PROTAGONISTAS DAS LENDAS. ESTIVERON EXPOSTAS NO PORCHE O DÍA DO ENTROIDO E, DESTE XEITO, ACHEGAMOS ÁS FAMILIAS O APRENDIDO.

HAI QUE AGRADECER AO ALUMNADO E PROFESORADO O SEU TRABALLO, XA QUE ESTE ANO HOUBO POQUIÑO TEMPO PARA PREPARALO E HOUBO QUE TRABALLAR A REO. PARABÉNS!

 

CONCURSO DE LARPEIRADAS 2018

COMO CADA ANO O EDLG CONVOCOU O CONCURSO DE LARPEIRADAS NO QUE PARTICIPARON UN TOTAL DE 10 FAMILIAS. DOCES TÍPICOS DESTAS DATAS, MOI SABOROSOS E MOI BEN PRESENTADOS. A VERDADE E QUE É MOI DIFÍCIL ESCOLLER UN...

ESTE ANO O DOCE GAÑADOR FORON UNHA FILLOAS, FEITAS POLA BISAVOA DE MATEO FERNÁNDEZ, ALUMNO DE 5º DE INFANTIL. MATEO ESTIVO ENFERMIÑO O DÍA DE ENTROIDO E NON ASISTÍU Á ESCOLA, ASÍ QUE PASOU O SEU AVÓ A RECOLLER A CESTA.

O AGASALLO FOI, COMO OUTROS ANOS, UNHA CESTA CON PRODUTOS TÍPICOS PARA FACER UN COCIDO: GARAVANZOS, CHOURIZOS, UN LACÓN, UNHA CACHUCHA DE PORCO E UNHA MADA DE GRELOS.

NORABOA A TODA A FAMILIA, EN ESPECIAL Á BISAVOA DE MATEO POR TER TANTA MAÑA NA COCIÑA AOS SEUS 92 ANOS. PARABÉNS!

FELICITA EN GALEGO

O CONCELLO DE NARÓN PON Á DISPOSICIÓN DA VECIÑANZA UNHA SERIE DE POSTAIS PARA FELICITAR ESTAS DATAS EN GALEGO. PARA FACELO HAI QUE EMPREGAR FACEBOOK OU TWITER, UNHA BOA OPCIÓN PARA DESEXAR O MELLOR AOS NOSOS AMIGOS E AMIGAS VIRTUAIS. 

 

 

POSTAIS DE NADAL 2017

CHEGOU O NADAL E CON EL O CONCURSO DE POSTAIS DA NOSA ESCOLA. COMO SEMPRE A PARTICIPACIÓN É TOTAL ASÍ COMO A COLABORACIÓN DE ALUMNADO E PROFESORADO. MOITAS POSTAIS SON MERECEDORAS DE PREMIO E OXALÁ PUIDERAMOS DAR UN AGASALLO A CADA UN DOS NENOS E NENAS...

NO CASO DE EDUCACIÓN INFANTIL O PREMIO É Á PARTICIPACIÓN E NO CASO DE EDUCACIÓN PRIMARIA PREMIASE UNHA POSTAL POR CURSO. O AGASALLO COMO BEN SENDO HABITUAL NESTES ÚLTIMOS ANOS É UN LIBRO OU CONTO EN GALEGO. ESTES E OUTROS CONTOS SON UNHA BOA OPCIÓN PARA REGALAR NESTAS DATAS. NON ESQUENZADES NA VOSA CARTA PEDIR ALGÚN!

NA PRESENTACIÓN VEREDES AS POSTAIS GAÑADORAS E SEGUIDAMENTE O LIBRO QUE RECIBIRON. PARABÉNS A TODOS OS PARTICIPANTES, EN ESPECIAL A NOA, ADRIÁN, SAMUEL, NADJARA, SARA E MARTINA, GAÑADORES NESTE ANO 2017.

 

CELEBRAMOS O MAGOSTO

ESTE ANO VOLVEMOS CONTAR COA VISITA DE RAMÓN, O CASTAÑEIRO, PARA CELEBRAR O MAGOSTO. A XORNADA COMEZOU PARA OS NENOS E NENAS DE PRIMARIA CUNS XOGOS POPULARES NO PABILLÓN. SOBRE AS 11:30 OS COMPIS DE INFANTIL SAIRON COMER AS CASTAÑAS E, UN RATIÑO DESPOIS, OS COMPIS DE PRIMARIA SUMÁRONSE Á FESTA.

HOUBO MOITA XENTE COLABORANDO, MESTRES E MESTRAS, MEMBROS DO A.N.P.A E O PROPIO RAMÓN, QUE TAMÉN NOS AXUDOU A PELAR AS CASTAÑAS.

DESPOIS DA COMILONA TODOS COMPARTIMOS UN TEMPO DE XOGO NO RECREO APROVEITANDO O DÍA SOLLEIRO. 

NENOS E NENAS DE INFANTIL DISFRUTARON DA SÚA SESIÓN DE XOGOS O MARTES NA HORA DE EDUCACIÓN FÍSICA. AGRADECEMOS A ANA, MESTRA DE E.F., QUE PREPARASE ESTA ACTIVIDADE PARA TODO O CENTRO.

 

EXPOSICIÓN DE SAMAÍN

UN ANO MÁIS FESTEXAMOS O SAMAÍN NA ESCOLA, DECORANDO CABAZAS E FACENDO A NOSA TRADICIONAL EXPOSICIÓN. 

AS CABAZAS DECORÁMOLAS NAS AULAS, OS PEQUENOS CONTANDO COA AXUDA DOS COMPAÑEIROS E COMPAÑEIRAS DE 5º E 6º DE PRIMARIA E OS MAIORES, NO CASO DE 3º E 4º DE PRIMARIA, AXUDADOS POR MONITORES DO CONCELLO DE NARÓN. NAS DEMAIS AULAS TITORES, ESPECIALISTAS E O PROPIO ALUMNADO ENCARGOUSE DE PREPARAR AS TERRORÍFICAS CABAZAS PARA FACER UNHA EXPOSICIÓN DE MEDO!

UNHA VEZ QUE AS CABAZAS ESTIVERON LISTAS, MEMBROS DO ANPA E ALGUNHAS MESTRAS FORON OS ENCARGADOS DE MONTAR A EXPOSICIÓN. 

NA PRESENTACIÓN VEREDES O BEN QUE QUEDOU. GRAZAS A TODOS E TODAS OS QUE FIXÉCHEDES ISTO POSIBLE!

 

CONCERTO DE PACO NOGUEIRAS

O 25 DE MAIO TIVEMOS UNHA VISITA MOI ESPECIAL: PACO NOGUEIRAS! ESTIVEMOS TODO O ANO ESCOITANDO AS SÚAS CANCIÓN DE "BRINCA VAI", QUE PRECISAMENTE SON SOBRE AS DATAS ESPECIAIS QUE ACONTECEN AO LONGO DO CURSO E QUE EN TODAS AS ESCOLAS SE CELEBRAN. A NOSA NON PODÍA SER UNHA EXCEPCIÓN!

PARA QUE O DÍA FOSE PERFECTO DECORAMOS O PAVILLÓN CON BANDEIRAS QUE ELABORAMOS TODOS OS COMPIS DA ESCOLA. ADEMAIS NENOS E NENAS DE INFANTIL E 1º DE PRIMARIA DECORARON UNHAS LETRAS BEN GRANDES: PACO NOGUEIRAS E BRINCA VAI.

E CHEGOU O DÍA...FOMOS SENTANDO E AGARDANDO A QUE COMEZASE O ESPECTÁCULO. CANTAMOS, BAILAMOS E SUAMOS, XA QUE O DÍA ERA CALUROSO E NO PAVILLÓN ERAMOS MOITAS PERSOAS. PERO FOI TAN DIVERTIDO QUE PAGOU A PENA PASAR UN POUCO E CALOR ;-)

MOITAS GRAZAS A PACO POR VIR, POR FIRMAR OS CEDÉS QUE MERCAMOS PARA A ESCOLA E O LIBRO DE HONRA DA BIBLIOTECA.

UN PRACER BRINCAR CONTIGO!

 

LETRAS GALEGAS 2017

ESTE ANO O DÍA DAS LETRAS ESTÁ DEDICADO AO ESCRITOR E XORNALISTA CARLOS CASARES. AUTOR DE NUMEROSOS CONTOS E LIBROS TANTO PARA NENOS E NENAS COMO PARA ADULTOS, REPRESENTA UNHA FIGURA MOI IMPORTANTE NO HISTORIA RECENTE DAS NOSAS LETRAS.

NA WEB DA SÚA FUNDACIÓN TEDES MOITA INFORMACIÓN SOBRE A SÚA VIDA E OBRA:

SEGURO QUE MOITOS DE VÓS RECORDADES A SÚA FACETA DE XORNALISTA COLABORANDO CUN COÑECIDO XORNAL. CONTABA ANÉCDOTAS E HISTORIAS DO DÍA A DÍA QUE SE CONSERVAN NUN BLOGUE, MOI INTERESANTE BOTARLLE UNHA OLLADA.

 

COMO TODOS OS ANOS O SEMINARIO GALÁN ELABOROU VARIOS RECURSOS PARA APRENDERMOS COUSAS SOBRE ESTE AUTOR. NÓS NAS ESCOLA ESTIVEMOS A LER ALGÚN DOS SEUS LIBROS E CONTOS MÁIS COÑECIDOS, COMO " A GALIÑA AZUL", "LOLO ANDA EN BICICLETA", "A LARANXA MÁIS LARANXA DE TÓDALAS LARANXAS"... TAMÉN "O PRINCIPIÑO" OBRA QUE CARLOS TRADUCÍU NOS ANOS SETENTA AO GALEGO.

 

 

 

ENTREGA DE PREMIOS

ESTE ANO A ENTREGA DE PREMIOS DO CERTAME INTERCENTROS CELEBROUSE NO PAZO DA CULTURA. DA NOSA ESCOLA ACUDIRON OS NENOS E NENAS DE 5º DE PRIMARIA ACOMPAÑADOS DO SEU TITOR, MARCOS, E DE EULOXIO, XA QUE É O COORDINADOR DO EQUIPO DE DINAMIZACIÓN DE LINGUA GALEGA.

COMO XA VOS COMENTAMOS TODOS OS PARTICIPANTES DA ESCOLA LEVAMOS PREMIO ASÍ QUE AGORA TOCA PENSAR EN QUE INVERTIREMOS OS CARTOS QUE GAÑAMOS. 

PARABÉNS A TODOS E TODAS UNHA VEZ MÁIS, TANTO AOS PARTICIPANTES COMO AO CENTRO ORGANIZADOR. ATA O ANO QUE BEN!

 

CERTAME INTERCENTROS 2017

UN ANO MÁIS PARTICIPAMOS NO CERTAME INTERCENTROS QUE XA VAI POLA XXVIII EDICIÓN. TODAS AS CLASES PARTICIPARON NALGUNHA DAS MODALIDADES DE MURAL, CONTO ILUSTRADO OU CANCIÓN EN GALEGO.

NO CASO DE EDUCACIÓN INFANTIL PARTICIPARON NA MODALIDADE DE MURAL CON TRES REPRESENTACIÓNS DE OBRAS DE MARUJA MALLO, PINTORA GALEGA Á QUE ESTE ANO SE LLE DEDICA O DÍA DAS ARTES GALEGAS, CELEBRADO O PASADO 1 DE ABRIL. ADEMAIS CADA CLASE DE INFANTIL PARTICIPOU NA MODALIDADE DE EXPRESIÓN ORAL CUNHA CANCIÓN EN GALEGO: "O GALO CANTA", "O PIOLLO E A PULGA" E "OS OFICIOS".

NA ETAPA DE EDUCACIÓN PRIMARIA PARTICIPARON NA MODALIDADE DE MURAL 1º E 4º DE PRIMARIA E NA DE CONTO ILUSTRADO 3º E 6º DE PRIMARIA. NALGÚNS CASOS A TEMÁTICA FOI A OBRA DE CARLOS CASARES, AUTOR HOMENAXEADO ESTE ANO NO DÍA LAS LETRAS GALEGAS. 

POR OUTRA BANDA OS NENOS E NENAS DE 1º E 2º DE PRIMARIA PARTICIPARON NA MODALIDADE DE EXPRESIÓN ORAL COA CANCIÓN "QUEREMOS GALEGO" E 5º DE PRIMARIA COA CANCIÓN "BANDO".

EN TODOS OS CASOS LEVAMOS PREMIO Á PARTICIPACIÓN AGÁS 5º DE PRIMARIA QUE LEVA PREMIO Á MELLOR CANCIÓN, ASÍ QUE PARABÉNS AOS NENOS, NENAS E MESTRES POLA SÚA IMPLICACIÓN UN ANO MÁIS NESTE CERTAME.

NA MEDIDA DO POSIBLE IREMOS PUBLICANDO AS ACTUACIÓNS... DE MOMENTO NA PRESENTACIÓN TEDES UN ADIANTO DOS MURAIS E CONTOS ILUSTRADOS QUE INDA ESTARÁN UNS DÍAS NO PAZO DA CULTURA DE NARÓN.

 

 

Distribuir contido