QUE MELLOR QUE DESPEDIR O CURSO COAS FOTOS DA NOSA VISITA Á GRANXA BELELLE! FOI UN DÍA INTENSO, CHEO DE APRENDIZAXES, RISAS E CONTACTO COA NATUREZA E OS ANIMAIS. 

Á CHEGADA DIVIDÍRONNOS EN VARIOS EQUIPOS: PAVOS, GATOS, CABALOS... ASÍ CADA EQUIPO ACUDÍU CUNHA MONITORA A UN TALLER. HOUBO VARIOS E TODOS MOI INTERESANTES:

• OBRADOIRO DE PAN
• HORTA (PLANTAMOS UN SEMILLEIRO)
• TALLER DE AVES
• VISITA AOS ANIMAIS ( ONDE LLES DEMOS DE COMER )
• MONTAR EN PONI

FIXEMOS UNHA PARADIÑA A MEDIA MAÑÁ PARA TOMAR UN PETISCO E DESPOIS, SOBRE A UNHA E MEDIA COMIMOS. DESPOIS DA COMIDA CADA EQUIPO FOI AO TALLER QUE LLE QUEDABA POR VISITAR...REMATOU PRONTÍSIMO!

A MOITOS DE NÓS COÑECÍANNOS DE ACUDIR AOS CURSIÑOS DE HÍPICA E AGRADECEMOS ÁS MONITORAS A SÚA PROFESIONALIDADE, XA QUE FORON MOI AMABLES E PACIENTES :-)

O QUE MÁIS EXITO TIVO FOI MONTAR EN PONI, INDA QUE TAMÉN VIMOS ANIMAIS QUE NON VIVEN POR AQUÍ COMO O DROMEDARIO E O ÑANDÚ.

A SUBIDA E BAIXADA AO BUS TAMÉN FOI MOI DIVERTIDA, XA QUE VIMOS VACAS, GATOS... TAMÉN VIMOS VECIÑOS DA ZONA AOS QUE SALUDABAMOS MOI CONTENTOS. 

TODOS LEVAMOS PARA CASA O BOLIÑO E O SEMILLEIRO, UN RECORDO XENIAL DUN DÍA XENIAL!

O XOVES, DÍA 24, TIVEMOS A VISITA DO PINTOR E ILUSTRADOR LEANDRO LAMAS. TODO O ALUMNADO DE EDUCACIÓN INFANTIL PREPARAMOS UNHAS PREGUNTAS PARA QUE CONTESTASE, E ASÍ COÑECELO UN POUQUIÑO MELLOR.

CONTOUNOS QUE TEN O SEU ESTUDO EN NEDA, AO QUE ESTAMOS INVITADOS A IR, E QUE EMPREGA DIFERENTES TÉCNICAS NAS SÚAS ILUSTRACIÓNS: ÓLEO, ACUARELA E COLLAGE.

UN DOS CONTOS ILUSTRADOS DOS QUE GARDA MELLOR RECORDO E "EU TAMÉN SON FONTE" XA QUE FOI O PRIMEIRO QUE FIXO, INDA QUE SON MOITOS OS CONTOS E LIBROS ILUSTRADOS POR EL: CONTÍN CONTÓN, SOPRA POR ESTE FURADIÑO, O XARDÍN DE IRENE, UNHA OLLADA A VILADOCE...

TAMÉN LLE PREGUNTAMOS SE OS ILUSTRADORES/AS E ESCRITORES/AS TEÑEN QUE COÑECERSE, QUE SER AMIGOS. CONTESTOU QUE EL É AMIGO DE TODOS, E QUE É MOITO MELLOR SER AMIGO PORQUE ASÍ O TRABALLO É MÁIS FLUÍDO.

HOUBO TEMPO PARA CONTARLLE QUE ALGÚNS DE NÓS TEMOS CONTOS ILUSTRADOS POR EL NA CASA, CADROS E INCLUSO UN BOLSO DALGUNHA NAI QUE TEN ILUSTRACIÓNS DE LEANDRO.

ADEMAIS LEANDRO FOI ALUMNO DESTA ESCOLA, HAI MOITOS ANOS, ASÍ QUE IGUAL ALGÚN DE NÓS TAMÉN CHEGARÁ A SER UN ARTISTA COMO EL. BUENO, REALMENTE XA SOMOS TODOS UNS ARTISTAS, BEN O SABEDES!

FINALMENTE ESCRIBIU UNHA DEDICATORIA NO LIBRO DA BIBLIOTECA E ASINOU ALGÚN QUE OUTRO LIBRO.

MOITAS GRAZAS POLA VISITA LEANDRO, FOI XENIAL!

NO SEGUINTE VIDEO VEREDES COMO É O ESTUDIO NO QUE PINTA :-)

O XOVES 10 DE MAIO FOI UN GRAN DÍA POIS TIVEMOS A VISITA AO MUIÑO DE PEDROSO ONDE TIÑAMOS DOUS TALLERES PROGRAMADOS "TALLER DE PAN E XOGOS POPULARES".CANDO CHEGAMOS OS MONITORES DIVIDÍRONNOS EN DOUS GRUPOS  E COMEZAMOS A MAÑÁ PREPARANDO A MASA CON FARIÑA,AUGA,ACEITE E FERMENTO ASÍ QUE REMANGÁMONOS E AMASAR CON MOITO ENTUSIASMO E COMO VEREDES NA PRESENTACIÓN MOITOS E MOITAS  TOMARON O TRABALLO MOI EN SERIO.DESPOIS PENEIRAMOS A FARIÑA E POIDEMOS VER COMO QUEDABA O FARELO NA PENEIRA.MENTRES OS BOLIÑOS COCIAN NO FORNO TIVEMOS UN DESCANSO PARA REPOÑER ENERXIA E MERENDAR.A VOLTA DA MERENDOLA  XOGAMOS AOS  XOGOS POPULARES COMA O PANO,A CULLER,OS BOLOS,CARREIRAS DE SACOS,...FOI MOI DIVERTIDO E BOTAMOS UNHAS RISAS.PARA REMATAR A MAÑÁ COÑECIMOS O MUIÑO E OS SEUS ARREDORES.MOITAS GRAZAS AOS MONITORES POLO SEU TRABALLO PASAMOS UNHA XORNADA MOI ENTRETIDA.

O MÉRCORES 18 DE ABRIL PARTICIPAMOS NA MODALIDADE DE EXPRESIÓN ORAL DO CERTAME DE INTERCENTROS DO CONCELLO DE NARÓN.OS NENOS E NENAS DE 3 ANOS INTERPRETARON A VERSIÓN DE UXÍA LAMBONA E A BANDA MOLONA DE "CATRO VELLOS MARIÑEIROS".OS NENOS E NENAS DE 4 ANOS CANTARON UNHA CANCIÓN COMPOSTA POR MARIOLA E SEBAS,OS PAPIS DE MARCO,TITULADA "A CLASE DE MARÍA" E PARA REMATAR OS NENOS E NENAS DE 5 ANOS INTERPRETARON A CANCIÓN DE "FAME",VERSIÓN DE "THUNDER" DE ACDC,DE UXÍA LAMBONA E A BANDA MOLONA.ANTES TIVEMOS QUE PREPARAR TODO O MATERIAL NECESARIO PINTAR,RECORTAR,PEGAR,ENSAIAR,...UN MONTÓN DE TRABALLO PERO VALEU A PENA POIS TODOS OS NENOS E NENAS O FIXERON ESTUPENDAMENTE CANTARON,BAILARON E DISFRUTARON COA ACTUACIÓN.SON UNS VERDADEIROS ARTISTAS.NESTA PRESENTACIÓN TEDES AS FOTOS DA PREPARACIÓN DO CERTAME NO CENTRO E O DÍA DO PAZO.ESPERO QUE VOS GUSTE TANTO COMA NÓS POIS PASÁMOLO XENIAL.

MOITAS GRAZAS A MARIOLA E A SEBAS POLO SEU TRABALLO E TAMÉN A UXÍA LAMBONA E A SÚA BANDA MOLONA POR CEDER A SÚA MUSICA DESINTERESADAMENTE.

MOITISIMAS GRAZAS!!!!.

PARA REMATAR O 2º TRIMESTRE DUN XEITO DIVERTIDO FIXEMOS UNHA SAÍDA TODOS OS NENOS E NENAS DE 3, 4 E 5 ANOS. INDA QUE NUN PRINCIPIO IAMOS VISITAR AS INSTALACIÓNS DE "A VOZ DE GALICIA" FINALMENTE HOUBO UN CAMBIO E ACUDIMOS A COÑECER A RADIO COPE. ALÍ RECIBIUNOS ADA ROMERO E OS SEUS COMPAÑEIROS/AS... VIMOS COMO ERAN AS ESTANCIAS, CON MESAS E ORDENADORES; TAMÉN UNHA HABITACIÓN CUN "ORDENADOR XIGANTE" E FINALMENTE A SALA DE GRAVACIÓN. COMO NON ERA MOI GRANDE, UNS POUQUIÑOS QUEDARON PARA FACER UNHA ENTREVISTA: DANIELLA E PABLO DE 3 ANOS, NAIRA E HANSY DE 4 ANOS E BOSCO E ANTÍA DA CLASE DE 5 ANOS.

DESPOIS, APROVEITANDO O DÍA DE SOL, MERENDAMOS NA PLAZA DE ESPAÑA E XOGAMOS UN RATIÑO NO PARQUE. PASÁMOLO MOI BEN E PORTÁMONOS XENIAL, ASÍ QUE XA ESTAMOS PREPARANDO A SEGUINTE EXCURSIÓN :-)

MOITAS GRAZAS AOS PROFESIONAIS DA COPE POR RECIBIRNOS CON TAN POUQUIÑO TEMPO DE ANTELACIÓN E ATENDERNOS ASÍ DE BEN. APRENDIMOS MOITO SOBRE A RADIO!

SE QUEREDES ESCOITAR O PROGRAMA E A NOSA ENTREVISTA, PREMEDE NA IMAXE. A PARTIR DO MINUTO 52 PODEREDES ESCOITALA. 

E POR FIN CHEGOU O VENRES,O DÍA DA FESTA DO ENTROIDO.A TEMÁTICA DESTE ANO FOI "LENDAS DE GALICIA".CADA AULA ESCOLLEU UNHA LENDA E TRABALLOUNA PARA EXPLICARLLE AOS DEMÁIS CURSOS A SÚA LENDA E ASÍ TODOS PODER SABER DE QUE ÍAMOS DISFRAZADOS.O CURSO DE 3 ANOS FORON DE PEREGRINS,4 ANOS DE GATIPEDROS E 5 ANOS DE XACIOS E XACIAS.AÍNDA QUE A MAÑÁ VEU BASTANTE CHUVIOSA POIDEMOS FACER O NOSO  DESFILE POLO PASEO E AS RÚAS DE XUVIA,PERO ESTE ANO FOI MÁIS CURTO POLO MAL TEMPO.DURANTE O PASEO FIXEMOS UNHA PARADA PARA CANTAR A NOSA CANCIÓN,COA MÚSICA "AO COMPÁS DUNHA MUIÑEIRA " DO GRUPO PIMPINELA,ADAPTAMOS A LETRA A NOSA TEMÁTICA.DE VOLTA AO COLE MERENDAMOS PARA REPOÑER FOLGOS E CONTINUAR COA TROULA.PARA REMATAR A MAÑÁ QUEIMAMOS O NOSO MECO COMO XA É TRADICIÓN NO NOSO COLE.

MOITAS GRAZAS AOS NENOS E NENAS,AS FAMILIAS,A ANPA,AOS MESTRES E MESTRAS E A JUANJO POR FACER  CADA ANO ESE MECO TAN CHULO.NOS APARTADOS DE CADA CURSO TEDES UNHA PRESENTACIÓN DE COMO SE FIXERON OS DISFRACES.

AGORA SI QUE SI! POR FIN PUBLICAMOS UNHA PRESENTACIÓN CON ALGUNHAS FOTOS DO FESTIVAL DE NADAL. OS NENOS E NENAS DE 3 E 4 ANOS CANTARON "POLO NADAL" E OS DE 5 "OBLADI-OBLADÁ". DESPOIS HOUBO ENTREGA DOS PREMIOS DO CONCURSO DE POSTAIS DE NADAL E UNHA RICA MERENDA. 

SE QUEREDES VER AS POSTAIS GAÑADORAS PODEDES CONSULTA NO APARTADO DE ACTIVIDADES EN NORMALIZACIÓN LINGÜÍSTICA OU EN CELEBRACIÓNS, PINCHANDO ONDE PON NADAL.

ESTE ANO TARDAMOS UN POUQUIÑO EN PUBLICAR NESTE APARTADO E INDA TEMOS PENDENTE POÑER AS FOTOS DO FESTIVAL :-( TEDES QUE PERDOAR, PERO ÁS VECES NON DAMOS FEITO.

COMEZAMOS AS PUBLICACIÓNS DESTE ANO COA CELEBRACIÓN DO DÍA DA PAZ, QUE DEDICAMOS ESTE ANO Á FIGURA DE GLORIA FUERTES, EMPREGANDO COMO EIXE CONDUTOR O SEU POEMA "SÓLO TRES LETRAS".

CADA CLASE TIVO QUE APRENDER UN VERSO DO POEMA E RECITALO. DESPOIS CANTAMOS UNHA CANCIÓN BASEADA NO MESMO POEMA, CREADA POR SUSA HERRERA. O ALUMNADO DE 5º E 6º DE PRIMARIA TOCOU OS PALILLOS E O RESTO DE NENOS E NENAS CANTAMOS A CANCIÓN.

TAMÉN FIXEMOS UN MURAL, CHEO DE ÁRBORES DA PAZ. AS FOLLAS DAS ÁRBORES SON AS NOSAS MANS, AS MANS DE TODOS OS NENOS E NENAS DA ESCOLA, UNIDAS SIMBOLICAMENTE NO MURAL.

UNHA DATA ESPECIAL PARA RECORDAR ALGO QUE DEBERÍA ESTAR PRESENTE TODOS OS DÍAS: O RESPECTO, A SOLIDARIEDADE, A EMPATÍA, A AMIZADE... 

SE MIRADES NOS APARTADOS CORRESPONDENTES ÁS AULAS VEREDES PUBLICACIÓNS DO ACONTECIDO ESE DÍA. ESPERAMOS QUE VOS GUSTEN.

O 25 DE MAIO TIVEMOS UNHA VISITA MOI ESPECIAL: PACO NOGUEIRAS! ESTIVEMOS TODO O ANO ESCOITANDO AS SÚAS CANCIÓN DE "BRINCA VAI", QUE PRECISAMENTE SON SOBRE AS DATAS ESPECIAIS QUE ACONTECEN AO LONGO DO CURSO E QUE EN TODAS AS ESCOLAS SE CELEBRAN. A NOSA NON PODÍA SER UNHA EXCEPCIÓN!

PARA QUE O DÍA FOSE PERFECTO DECORAMOS O PAVILLÓN CON BANDEIRAS QUE ELABORARON TODOS OS COMPIS DA ESCOLA. ADEMAIS NENOS E NENAS DE INFANTIL E 1º DE PRIMARIA DECORAMOS UNHAS LETRAS BEN GRANDES: PACO NOGUEIRAS E BRINCA VAI.

E CHEGOU O DÍA...FOMOS SENTANDO E AGARDANDO A QUE COMEZASE O ESPECTÁCULO. CANTAMOS, BAILAMOS E SUAMOS, XA QUE O DÍA ERA CALUROSO E NO PAVILLÓN ERAMOS MOITAS PERSOAS. PERO FOI TAN DIVERTIDO QUE PAGOU A PENA PASAR UN POUCO E CALOR ;-)

MOITAS GRAZAS A PACO POR VIR, POR FIRMAR OS CEDÉS QUE MERCAMOS PARA A ESCOLA E O LIBRO DE HONRA DA BIBLIOTECA.

UN PRACER BRINCAR CONTIGO!