A Consellería de Educación, Universidade e Formación Profesional vén de convocar unhas axudas de carácter directo ás familias do alumnado beneficiario de bolsas de comedor escolar nos centros públicos non universitarios xestionados por esta consellería durante a situación de suspensión do servizo de comedor como consecuencia do COVID-19 (Orde do 27 de marzo de 2020).

Para solicitalo pódese facer de dous xeitos:
1. De forma telemática: formulario normalizado dispoñible na sede electrónica da Xunta de Galicia, https://sede.xunta.gal. Para iso é necesario ter certificado dixital, ou a chave 365.

2. Dirección do centro:

- Enviando os seguintes datos ao correo electrónico do colexio:  ceip.pedro.caselles.rollan@edu.xunta.es.

• Nome completo e DNI do pai ou nai.
• Tipo de Pagamento: gratuidade total ou abono de 1€.
• Nome do alumno/-a.
• Número de conta bancaria.

- Chamando ao teléfono do colexio: 982870985 en horario de 10 a 13h.

 Para máis información, clicar aquí.

Queridas familias,

Desde o colexio imos solicitar este ano o Plan Acción de voluntariado de Alcoa para transformar por completo e poñer a punto o noso horto escolar, para que así poida ser utilizado por todos os nenos e nenas de Infantil e Primaria.

Ademais doutros requisitos necesitamos a colaboración de, polo menos, 8 traballadores/as de Alcoa dispostos a traballar con nós un día durante 4 horas para levar a cabo as tarefas requiridas nesta transformación (fundamentalmente carpintería, pintura, xardinería, limpeza...). Estes traballadores poderán participar noutros Plan Acción independentemente da súa colaboración con este que promovemos desde o colexio.

A partires de mañá, venres 13 de marzo de 2020, recoméndase que o alumnado non acuda aos centros educativos e a partir do luns 16 de marzo, quedan suspedidas as actividades lectivas e extraescolares en todos os centros como medida PREVENTIVA.

É importante ter en conta as recomendacións para previr o coronavirus.

Fonte: www.edu.xunta.gal

A través da nosa páxina web iremos informando das novas que vaiamos coñecendo, así como a nova data de inicio das actividades.

Pilabot é un concurso de reciclaxe de pilas e acumuladores eléctricos no que decidimos participar este ano, conscientes da importancia que a reciclaxe de residuos ten para o futuro do planeta e co obxectivo de que o noso alumnado sexa consciente da necesidade de facer algo que axude ao medio.

O concurso dura ata o mes de marzo. Temos por diante seis semanas nas que debemos conseguir xuntar a maior cantidade posible deste tipo de residuos. É por isto que se repartiu entre o alumnado de Educación Primaria uns pequenos colectores nos que recompilar este material e traelo ao colexio, onde o depositarán nun colector situado na entrada.

Para consultar as bases do concurso e obter máis información, clicar no seguinte enlace.

O alumnado que fai uso do servizo de comedor os luns, cómpre que, coa maior celeridade posible, faga entrega no centro do seguinte impreso, co obxecto de facilitar a organización da súa saída. Esta documentación será enviada hoxe, venres 20 de setembro, pero tamén pode ser descargada aquí.

*No caso de querer recoller o alumnado os luns ás 15:30, é necesario que cubrades o seguinte impreso.