O pequeno vampiro (en alemán orixinal: Der kleine Vampir) é un personaxe da literatura infantil creado pola autora alemá Angela Sommer-Bodenburg en 1979, ano de publicación do primeiro libro en que aparecía, que levaba este mesmo título e deu nome á saga
Estrela é unha nova alumna de sexto de primaria. Ela ten que recibir clases de apoio e a súa presencia na aula produce certas incomodidades debido ó coidado especial que require. Pero a súa reacción diante da nova dun secuestro conmoverá ós compañeiros de clase, á súa familia e á opinión pública demostrando que, por riba das diferencias, das ideas ou capacidades, o máis importante é ter un gran corazón. Alegación a favor da integración e o valor da diferencia
Diario de Greg (En inglés, Diary of a Wimpy Kid) é unha serie de libros publicados pola Editorial Muíño en España que describe a historia de Greg Heffley, o protagonista, na súa vida de adolescente de forma cómica. Tan só en España, vendéronse 400.000 exemplares do primeiro exemplar e 700.000 do resto. En Estados Unidos a cifra sobe aos 16.000.000 exemplares vendidos.
Animais Encantadores é un ambicioso proxecto musical infantil composto dun libro con dez simpáticos personaxes, representados con ilustraciones a todo cor, no que se inclúen letras e partituras das cancións, así como unha guía de propostas didácticas que farán disfrutar a nenos e nenas. O libro complétase co un cd coa interpretación das dez canción que protagonizan os personaxes do libro, un karaoke e un DVD para seguir as coreografías propostas por Susa Herrera na guía didáctica.
Nico e Marga viaxan a Lisboa para pasar uns días cuns amigos. Pero estos desaparecen de forma extraña e iso será o comezo dun montón de aventuras, tanto en terra firme coma en altamar.
O libro de “Contos por teléfono” fala dun pai que chama todas as noites á súa filla por teléfono para contarlle un conto antes de se durmir. O pai é un viaxante de mediciña que viaxa por toda Italia e só esta na casa os domingos, por iso llos conta por teléfono.
Este libro ten un montón de contos curtos, que están ambientados en cidades de Italia. É moi divertido para ler na casa toda a familia.
Título: KONRAD o el niño que salió de una lata de conservas
Autora: Christine Nöstlinger
Editorial Alfaguara
A señora Bartolotti vive bastante feliz, aínda que a xente pensa que é rara. Unha das súas aficións é pedir todo tipo de cousas por catálogo. Un día recibe unha gran lata cun neno dentro; unha fábricea faille chegar un dos seus mellores productos: un neno perfecto, educado, amable, listo e obediente.
RESUMO: É un libro infantil de animais, cunhas cantigas fermosas, dedicadas ao can, á ratiña, ao pingüín, ao dinosaurio, ao pitiño… Susa Herrera é profesora de música na Escola de Maxisterio de Pontevedra, e coñece moito o mundo dos nenos e tamén a música que lles gusta.
O libro ten representacións a toda cor feitas a partires de figuras de plastilina, obra de María Noel Toledo. As cancións van tamén acompañadas das súas partituras. Complétase cun CD de música.
Este libro trata dun neno de 10 anos que vive en Nixeria, pero como alí non hai traballo, cruza cos seus pais o deserto do Sahara ata chegar a Marrocos. Alí soben a unha patera. Nesa viaxe morre a súa nai e el queda só co seu pai. Ao chegar á Península cólleos a Garda Civil que lles dá comida, mantas…
Antes de saír do seu país, o avó deulle un amuleto da sorte que el tiña. Chegarán a Madrid onde el irá ao cole e o seu pai atopará traballo de albanel. Ao principio non tiña amigos, pero logo consigue facer dous bos amigos.
Din os nenos do Nº 2 que é un libro moi bo para que valoremos o que nós temos e entendamos o que pasan as persoas que veñen en pateras.
Resumo: Pepo é o xefe da banda formada cos seus veciños e compañeiros do colexio: Toto, o musculiños; Xesús o responsable fillo do director do colexio; Santiago, fillo dun capitán de barco; Pedro, o fillo do mecánico; os xemelgos, Jorge e Xosé que sempre fan e din o mesmo; Susana, que ten trenzas que botan chispas e Matías, que ten un gato cardíaco. A banda fai moitas trasnadas, coma no aniversario de Susana, cando xogaron aos bombeiros e inundaron o cuarto de Pepo, e así sempre.
RESUMO: É a historia do gato Manchas Negras que queda sen dentes e pídelle axuda ao Rato Pérez. Escribelle ata tres cartas para que Rato Pérez se decida a axudar a un gato. Empeza así unha viaxe na que descubrirá e vivirá varias historias e aventuras.
Este é o programa no que o alumnado da nosa escola recomenda oito libros escollidos por eles para este Nadal; os títulos son os que aparecen aquí, as razóns dánnolas eles mesmos no programa de radio que se emitiu o xoves 19 de decembro.
AUTORES: Versión de Miguelanxo Prado sobre a historia de Sergei Prokofiev
EDITORIAL : Norma
RESUMO:
Pedro, un neno que vivía co seu avó no bosque, saíu un día a pasear acompañado dun paxariño, pero alí estaba un gato que quería atrapalo para comelo. O avó oíu a Pedro e chamouno, el volveu á casa e o avó díxolle que había un lobo moi perigoso e non debería saír. Pero Pedro saíu outra vez ao bosque co paxaro porque quería cazar ao lobo; o paxaro intentou distraelo mentres Pedro collía unha corda para cazalo. Menos mal que os cazadores se enteraron, que perigo! e foron ata alí e disparáronlle ao lobo. Por fin libráranse do malvado lobo pero Pedro sentíase culpable, dáballe pena o animal.
Os protagonistas son dous nenos orfos, Said e Sheila, de catorce
e doce anos que están vivindo no 2077. Estes dous personaxes viven outra aventura ; todo comeza cando descobren unha estraña mortalidade peixes nun lago ao lado da súa casa, pronto descobren tamén que un multimillonario quere dominar o mundo facendo explotar bombas colocadas na Antártida.
Aos nenos e nenas do CEIP Vicente Risco de Vigo gustoulles moito.
Un libro que non ten moito que ver coa Lúa pero que se titula así porque á avoa da nena protagonista, Baraka, lle din “Estás na lúa” cando se esquece das cousas; e o avó ten o alcume de “O Lunático” porque sempre soñou con ir á Lúa.
A canción da despedida é do disco “Bantu” de Aline Frazäo.
RESUMO: Os alumnos non sabían que ían ter unhas vacacións moi diferentes: participaran no concurso Coñeces Europa? e, como gañaran, tiñan de agasallo unha viaxe gratuita por Europa. Serán viaxes moi interesantes.
É un neno que facía maxia, chamábase BIEITO. Pero a súa familia non o podía dicir porque din que os que fan maxia fan bruxería. É que esta historia pasa na Idade Media.
Desenvólvese en Tui, na nosa cidade, por iso ao lelo recoñecemos algúns lugares: a catedral , a parte antiga, o río Miño …
As escolas participantes neste proxecto de recomendación de libros que vimos desenvolvendo dende hai xa 6 cursos despídense neste programa ata o curso 2014- 2015. Bo verán!
En representación dos nenos e nenas da aula de 5º, Alba Martínez, Clara, Rocío e Alba De Marcos realizan esta completa entrevista a Uxía na que fan un repaso pola súa vida e a súa carreira musical, parándose especialmente no libro-disco Rosalía Pequeniña, publicado no 2013 pola editorial Galaxia.
RESUMO: "Cuentos para jugar" é un libro que recolle 21 contos un pouco especiais pois teñen 3 finais diferentes cada un. Moitos transcorren en cidades de Italia, xa que o autor naceu alí. É moi divertido ler contos cun final pero lelos con 3 é ainda mellor, ou tamén podemos xogar a inventar un nós mesmos.
Este libro pertence a una colección de libros que contan a biografía de moitos personaxes famosos. Este que nos presentaron os compañeiros de 6º do CEIP Nº 2 de Tui, está dedicado á vida e obra do cantante Jonh Lennon.
Naceu no ano 1940 en Liverpool ( Inglaterra) e formou parte do grupo The Beatles, que tan famoso foi en todo o mundo a partires dos anos 60. A muller que máis influíu na súa vida foi Yoko Ono. Morreu asasinado en 1980 en Nova York, cando contaba só 40 anos.
Radio Tui únese á conmemoración hoxe, 24 de febreiro, do Día de Rosalía, convidando a alumnado dos centros educativos do concello a participar nunha lectura colectiva de poemas da autora.
A nosa representante foi Daniela, de 5º, quen leu con moito xeito e sentimento o poema “Pasa, río, pasa” do libro Cantares Gallegos de Rosalía de Castro.
RESUMO: Os nen@s de 4º do CEIP Vicente Risco de Vigo, recoméndannos un libro que eles leron no seu curso. Os protagonistas desta historia son Ricardo e Malala, que son compañeiros de clase . Pero Ricardo odia a Malala porque é negra. O que el non sabe é que todos somos iguais; el pensa que só el é o mellor. Terá que pasarlle algo moi especial e extraño para que se dea de conta do equivocado que está (unha mañá despertará convertido nun neno negro) e, como son as cousas!, rematarán sendo Malala e os seus irmáns os que lle axudarán. Ao final serán grandes amigos.
Dende o CEIP As Covas de Meaño recomendáronnos este fermoso libro de Fina Casalderrey que segundo din eles, ten un final un pouco triste. Conta a historia dunha nena, Noema , que ten unha nai que traballa moito, por iso está pouco con ela. O seu pai tamén ven pouco pola casa e ela vive co seu avó, do que aprenderá moitas cousas porque é un home moi sabio, pero bastante maior e un pouco enfermo.
Peter Bichsel escribiu este fermoso libro en alemán, pero nós lémolo en galego, grazas a tradución de Marga Romero. Neste programa, incluímos un resumo da entrevista que lle fixemos os alumnos de 5º , a esta escritora que vive en Tui.
Polo seu título pensaredes que no libro se contan historias que lles pasan aos rapaces. Pois non, a verdade é que son cousas que lles pasan a persoas maiores, pero persoas un pouco especiais. Son especiais porque fan cousas que recordan ao que facemos os nenos. Aconsellámosvos lelo máis dunha vez e así poderedes descubrir moitas cousas interesantes.
Neste programa tamén hai un concurso no que podedes participar: hai unha pregunta á que tedes que contestar. Para saber o que facer, ide a este enlace doblog de 5º.
Convidámosvos a escoitar a entrevista completa que os nenos e nenas de 5º de Primaria lle fixeron a Marga Romero (Marga do Val). Nela fala de Peter Bichsel, o autor suizo a quen coñece persoalmente, dos seus traballos de escritora e tradutora e de cousas da súa propia neneza, e faino dun xeito ameno e claro.
Este é un programa no que os nenos e nenas do CEIP Nº2 de Tui nos dan algúns datos biográficos de Manuel María, autor ao que se lle adicarán as Letras Galegas do ano 2016, e, ademais, nos len algúns dos poemas dese libro. A música é de Suso Vaamonde, quen fixo cancións dos poemas de “Os soños na gaiola” no ano 1972.
Tamén podemos escoitar neste programa un poema que Manuel María escribiu adicado á cidade de Tui.
TÍTULO: El asesinato del profesor de matemáticas AUTOR: Jordi Sierra i Fabra ILUSTRADOR: Pablo Núñez EDITORIAL: Anaya
“As matemáticas son coma un xogo”, di o profesor e proponlles resolver enigmas e retos.Neste libro hai un asasinato, ou iso parece!, enigmas, límite de tempo, e nenos e nenas duns 13 anos esforzándose para resolver o sarillo no que se ven metidos.
Os nenos e nenas de 6º do CEIP Vicente Risco de Vigo ofrécennos un paseo polo seu contido e recoméndannos a súa lectura.
Nesta ocasión son Helena e Celia, de 6º, e Érica, de 3º,as que levan o peso do programa, contando como foi o Cross da Macoca, do sábado 21 de novembro.
Participan tamén Lucas, Óscar e Rodrigo, de 4º, con información sobre os xogos do recreo.
Neste programa, ademais de recomendarnos o libro, os nenos e nenas dannos unhas notas biográficas sobre o autor e, naturalmente, fannos a pregunta, preguntas neste caso, para o concurso do mes.
Escoitade o programa e logo visitade o blog de 5ºpara deixar a resposta e participar no sorteo de 2 libros en galego.
Son unha brigada especial de 4 formigas, que teñen que resolver un caso moi complicado. A historia transcorre en ParÍs e o doutor Paumao está polo medio. Conseguirán resolvelo?
Este é outro libro da escritora Fina Casalderrey; aquí cóntanos unha historia que ocorre na Serra de Albarracín, provincia de Teruel, nos tempos da Guerra Civil española.
Os nenos e nenas de 6º din: “Gustounos a historia; pareceunos divertida e apaixonante. Recomendamos a lectura.”
RESUMO: Un libro para coñecer os animais dende outra parte da súa vida: os partos e o nacemento; aquí enterámonos dalgúns partos curiosos no mundo animal. O canguro vermello, a anguía, os pingüíns, os golfiños, o cabaliño de mar,... e máis datos curiosos sobre a forma de nacer dos animais que atopamos sobre a face da terra.
Este programa gustoume moito e ademais o prepararon e gravaron os nosos compañeiros e compañeiras de 6º.aventura ; non atopo nada para que non te enganche ou para que che pareza aburrido , ao contrario é moi , moi divertido e entretido.
Ademais o autor gañou algúns premios grazas a el . Estou falando do libro “CHAMÁDEME SIMBAD”.
Este programa está dedicado a Carlos Casares, o escritor homenaxeado este ano nas Letras Galegas. Os nenos do CEIP nº 2 de Tui fixéronnos un bo resumo da súa vida e a súa obra. Este contiño consta de 5 capítulos e conta a historia dun neno que lle escribe unha carta a súa amiga Ana que se foi vivir a outro pobo. Por iso eles empezaron o programa lendo unha carta que lle escribiron a María, unha amiga que se foi a outro cole a Salvaterra.
Os nenos e nenas do CEIP nº 2 de Tui presentáronnos un libro moi divertido que nos conta contos clásicos dunha maneira diferente... Cenicienta acaba casada con un señor que fai mermelada, Branca Neves vai dun sitio a outro facendo auto-stop, os tre osos cómense a Riciños de Ouro... e así moitos máis. Pasárono moi ben lendo este libro. Ademais recordáronnos que este ano celébrase o centenario do seu nacemento.
Trata dunha nena chamada Momo, que vive soa nun anfiteatro abandonado. Os habitantes do pobo no que vive, deciden axudala.
Momo ten unha habilidade moi especial, sabe escoitar moi ben as persoas. Cada vez que alguén necesitaba que lle escoitasen lle dicían “Vai ver a Momo”.
Ten dous amigos moi especiais para ela e que a vez son moi distintos: un é Beppo Barrendero, un ancián moi tranquilo que ten o mesmo apelido que a súa profesión, e o outro é Gigi Cicerone, un rapaz moi soñador o que lle encanta contar historias aos demáis.
Hai unha parte tenebrosa na historia de Momo… uns homes de gris están invadindo o pobo, roubándolle o tempo as persoas pasando totalmente inadvertidos.
Momo coa axuda da tartaruga Casiopea e do Maestro Hora emprenderá unha aventura impresionante contra os homes de gris para devolverlle o tempo as persoas.
É un libro precioso, convidámolos a lelo e reléelo ata que se cansen. Gozadeo.
O Hotel Fantastique está no medio do Salvaxe Oeste. Nas súas cociñas a pequena Esmeraldina é feliz, aprendendo todos os trucos culinarios da man da súa avoa A Tremenda, unha chef de sona mundial. A vida avanza entre pucheiros ata que un andazo de febre escarlatina acaba coa vida da nena. A noticia da súa morte corre como a pólvora entre os habitantes do alén, e empezan a chegar ao hotel defuntos de todas as procedencias, dispostos a instalarse. Esmeraldina necesita aprender a ser unha pantasma de verdade. Para iso contará coa axuda de Lady Horreur, unha peculiar araña francesa que se converterá na mellor mestra e amiga, e Nicotina, unha vaqueira que teima en levala ao seu novo fogar: o Alén Mundo. O Libro de Receitas da Tremenda acompaña esta historia de medo e humor macabro, converténdoa no petisco perfecto para degustar antes ou despois de ler Escarlatina, a cociñeira defunta.
Este libro foi traducido a máis de 20 linguas. Os piratas liderados por Bala Perdida, o protagonista, encontraron un tesouro, o tesouro dos nazis, que estaba cheo de lingotes de ouro. Bala Perdida secuestra a una rapaza e… mellor non contan mais que se non, non ides mercar o libro.
FORMOS4, FORX4N, FORNEL4 e FORM4IL son as catro integrantes das FORMIG4S. Unha brigada especial que vai ata calquera recuncho do mundo para esclarecer os casos máis enigmáticos e complicados.
Misión Barcelona leva os FORMIG4S a capital catalá o día de Sant Jordi. O caso empeza na Pedreira, un precioso edificio modernista, co Doutor Paumao poñendo en marcha un plan para conseguir que ninguén volva ler un libro nunca máis.
TÍTULO: Arman e a fábrica podre AUTOR: Macip Llort COLEXIO: CEIP nº 2 de Tui RESUMO: Arman descubriu os trapos sucios da fábrica de Bundesfraü. Está decidido a deter o desastre e salvar os animais e as plantas de Virolainek! Para conseguilo conta coa axuda dos seus amigos, de Tim, a súa espelida mascota... e mais do SEU PODER SECRETO. Serán quen de atopar unha solución a tempo para deter os plans do envexoso e trampulleiro ministro Zhirkov?
RESUMO: A xente da vila sentiu un odio repentino pola señorita Bubble desde o mesmo día da súa chegada. A inventora apareceu por sorpresa unha mañá solleira, conducindo un convertible que funcionaba a vapor, e instalouse naquela vivenda que levaba tantos anos deshabitada. Repudiárona polo seu atavío, polos seus inventos, polo seu singular xeito de vivir. Ninguén sospeitaba o que en realidade sucedía no interior da mansión da señorita Bubble.
En Recendos de aire sonoro as notas musicais e as palabras danse a man e camiñan xuntas polos vieiros que trazan os versos. Nos seus poemas ecoa o violín, treme a arpa, percute o timbal, láiase a gaita, Beethoven saúda a Bob Dylan mentres berran as guitarras de rock e a orquestra se despista. Un libro para ler cos cinco sentidos. As dúas paixóns de Antonio García Teijeiro, a música e a poesía, establecen un diálogo fascinante neste poemario fermosamente ilustrado por Fino Lorenzo, que vai espertar nos lectores e lectoras sensacións vivas e profundas, cargadas de emoción
Como cada ano emítese en Radio Tui o programa colectivo de Nadal de recomendación de lecturas realizado no noso centro. Neste primeiro programa colectivo participan os máis pequenos:
Ao alumnado de 3 anos gústanlle contos como “O polo Pepe”, “A eiruga larpeira”, os nenos e nenas de 4, 5 anos e a 2º de Primaria quedaron abraiados coa lectura das aventuras de “Daniela pirata”.
“Moncho e a Mancha” é o conto recomendado por 1º de Primaria, gozando moitísimo cantando o rap de Moncho,
3º de Primaria fai unha recensión sobre o libro“Derradeira carta aos Reis Magos”, un tema moi apropiado para estas datas e para estas idades.
Xa sabedes, deixádevos guiar polas suxestións dos máis pequenos cando vaiades comprar os agasallos de Nadal e escoitade o noso programa mañá, xoves 21 de Decembro sobre as 11, 30h en Radio Tui.
Ariadna lembra aqueles vinte días felices que pasaron entre a mañá en que chegou á aldea na furgoneta dos panadeiros e a mañá en que Valente, o seu avó, a deixou no aeroporto, camiño de Canadá, onde emigraron os seus pais despois de ser despedidos do traballo. Días inesquecibles de verán nos que esta rapaza de case doce anos aprendeu na casa da Albariza o nome de cada unha das árbores e a identificar o son do río e da fervenza, do merlo e do paspallás. Da man do avó Valente, Ariadna abre os ollos a un mundo que é por última vez e a unha maneira de camiñar pola vida que durará sempre. Unha novela emocionante, que paga a pena ler aos dez e aos cincuenta anos. Un relato moi fermoso que describe de que estamos feitos, como se conforma a propia vida e onde, con quen, ou como ordenamos prioridades.
Bala Perdida é o derradeiro pirata do Atlántico Norte, un capitán escrupuloso que anda acompañado dun corvo e dun grupo de bravos mariñeiros. Para resolver unha misteriosa abordaxe na máxica Costa da Morte, Bala Perdida busca a axuda dunha moza xornalista que só dá noticias bonitas.
Esta é a historia de Mundo, un neno que superou o ataque dos lobos ao seu rabaño, pedaleou nunha bicicleta de celador de telefonía, rubiu aos postes máis altos coma un lagarto… Pero a misteriosa desaparición do seu pai, o medo debuxado nas caras das veciñas, o loito enigmático da súa nai, as notas manuscritas nos libros… atoldaron os seus soños de futuro.
Cando o reloxo da igrexa daba as seis e media, unha das fiestras do noveno andar abriuse e un avión de papel amarelo saíu voando, tecendo eses no ceo. O avión perdeu folgos e estrelouse nun terrado de flores. Sería posible coñecer a persoa que se dedicaba todas as tardes a lanzar un avión pola ventá?Grazas a ese avionciño coñecéronse Lucas e Sara, un mozo e unha moza de sexto, que compartían o amor pola lectura e aos que lles gustaba escribir, a el historias e a ela poemas. Mais o que lle puña cara de alegría a Sara eran o debuxo e a pintura, que se converterían nun fío máxico para a súa amizade. Como aquel primeiro graffiti de Hopper na alameda, o do neno co papaventos.Unha novela sobre a amizade relatada sobre o fondo da arte urbana, dos traballos pictóricos, sexan graffitis ou murais, que humanizan a cidade e a fan máis fermosa.
O primeiro álbum ilustrado de Malala inspirará a nenos e nenas de todo o mundo a atopar a maxia ao seu redor. Malala, como o personaxe dunha serie da televisión, desexaba ter un lapis máxico. Con el faría feliz a súa familia, borraría o cheiro a lixo da cidade, detería o tempo para durmir unha hora máis pola mañá Pero nun momento dado caeu na conta de que había cousas máis importantes que arelar. Non lle gustaba o mundo que vía e quería mudalo. E aínda que nunca atopou un lapis máxico, decatouse de que podía traballar arreo para facer realidade os seus desexos.Este volume, fermosamente ilustrado, narra a historia de Malala para o lectorado máis novo e amosa como se pode abrazar a esperanza, mesmo nos momentos máis difíciles.
“Poemas birollos para ler cos ollos” é un libro de poesía infantil que parte dunha concepción lúdica, divertida e transgresora da poesía. Os poemas nacen de dúas fontes fundamentais: a poesía visual e a oralidade. Botando man do elemento gráfico para facer que os poemas se lean coma se fosen cadros e buscando a complicidade das cancións infantís, dos arrolos e das sortes, Fran Alonso fai neste libro unha proposta sorprendente e modernizadora. O resultado é un libro moi accesible que sitúa a poesía moi próxima á sensibilidade das nenas e nenos de hoxe.
“O meu gato é un poeta” é un libro que pretende transmitir a poesía dun xeito lúdico, divertido e, sobre todo, accesible para os lectores e lectoras. Está ideado coma se fose un xogo ou un obradoiro. O meu gato é un poeta bota man da fusión de xéneros literarios a través da reflexión, da poesía visual, dos xogos de palabras, da interacción, dos caligramas, da narración, da música, das novas tecnoloxías para conseguir unha proposta poética fresca e divertida. O libro vai acompañado dun CD que enriquece o texto grazas á mestura de distintas artes e amplia ante os lectores a súa visión da poesía, permitíndolles abordar novas dimensións e agrandando a súa percepción sensorial.