CEIP Outeiro das Penas

Hai uns días visitounos na biblioteca María Canosa.  Autora do libro escollido en 1º e 2º  : " O día que choveu do revés". Seguindo coa actividade "4 libros, 4 autores" , María fíxonos un divertido contacontos do libro, e despois asinounos todos os libros. Moitas grazas por vir, e ata a próxima.

Este foi un resumo dos aniversarios de infantil do mes de abril.

O luns 30 de abril recibimos a visita do autor Xavier Estévez,autor do libro "Avións de papel" que foi o escollido este ano polas nenas e nenos de 5º e 6º para a actividade "4 libros,4 autores". Durante algo máis dunha hora as nenas e nenos puideron falar co autor sobre o que lles pareceu o libro e mesmo preguntarlle directamente aspectos e dúbidas relacionados co libro e co autor en si.Respondeu a todo moi amablemente. Ao final do acto se lle entregou un marcapáxinas co seu nome gravado,como recordo do seu paso polo cole e ,tras asinar no libro de visitas,  procedeuse á sinatura dos libros .

Hoxe tivemos a sorte de ter connosco a Didier, un mestre cubano de percusión que nos ofreceu unha masterclass sobre ecopercusión co fin de montar unha batucada. A continuación tedes un resumo do que foi o taller e un vídeo co resultado final a modo de exhibición diante de todo o cole. Agardo que vos guste.

O alumnado de infantil tivo estes días unha moi grata sorpresa, xa que no seu patio contan cun pequeno espazo de investigación sonora. Clica na imaxe para ver as fotos do primeiro día.

O pasado xoves día 22 de marzo celebramos no cole o día da árbore, pero nesta ocasión a plantación fixémola dentro do recinto escolar. Cada nivel plantou unha árbore e este é un pequeno resumo do que foi o día. Clica na imaxe para ver as fotos.

Velaí vai un pequeno resumo do que foi o aniversario de marzo dos máis peques.

A pasada semana o alumnado de 5º e 6º realizou unha saída para visitar o museo do mar, o seu acuario e tamén o pergamiño Vindel. Clica na imaxe para ver un resumo da visita.