Skip to Content

    

 

Actividades

SAN VALENTÍN: INTERCAMBIANDO CORAZÓNS POR SORRISOS

Lun, 20/02/2023 - 20:15 — Silvia

Este ano quixemos facer unha actividade diferente por SAN VALENTÍN, e aproveitando que no mes de febreiro levamos a cabo dous talleres moi especiais na nosa Biblioteca (un de "lettering" e outro de decoración de corazóns), decidimos crear un recunchiño cheíño de amor no que compartir momentos moi agradables c@s nos@s compañeir@s.

Pero ademais, como os nosos corazóns quedaron moi fermosos, chegamos á conclusión de que era necesario regalalos. Polo tanto, non o pensamos dúas veces e saímos á nosa vila a INTERCAMBIAR CORAZÓNS POR SORRISOS!

Aquí vos deixamos unha reportaxe feita polo noso alumnado reporteiro que quixo retransmitir este día tan especial con todos e todas vós.

Non dubidedes en darlle ao "play" e en darlles un "me gusta" se vos gustou a iniciativa.

 

 

UNBOXING. VOL. 1. CÁMARA E ACCIÓN

Dom, 22/01/2023 - 12:52 — Silvia

Queremos compartir con tod@s vós unha nova actividade que inauguramos hoxe na nosa Biblioteca.

Trátase de     unha práctica que está moito de moda nas redes sociais e que empregaremos para explicarvos os xogos que temos na nosa Biblioteca. 

Así, cada certo tempo, o alumnado voluntario será o encargado de explicarvos os elementos e compoñentes dun xogo, as normas de uso e algunha que outra cousiña máis.

Non o dubidedes e dádelle ao "play" para poder desfrutar da primeira entrega.

 

E para premiar o esforzo d@s nos@s protagonistas regaládelle un 

 

 

 

CALENDARIO DE ADVIENTO

Mér, 21/12/2022 - 01:00 — Silvia

Este ano dende Biblioteca e durante o mes de decembro, quixemos sorprender ao noso alumnado cun CALENDARIO DE ADVIENTO. Nel, non só había agochado unha serie de retos  (adiviñas, xeroglíficos, trabalinguas,...) senón tamén unha morea de sorpresas e agasallos para todo aquel que os superaba. 

Con esta actividade quixemos darlle un toque diferente a estas datas tan especiais. 

Velaquí vos deixamos o calendario de adviento deste ano. Agardamos que vos guste.

 

CIENCIA NA BIBLIOTECA

Xov, 15/12/2022 - 10:42 — Silvia

O pasado novembro, co motivo da celebración do MES DA CIENCIA, fixemos un achegamento á mesma elaborando na Biblioteca unha serie de experimentos que os voluntarios/as prepararon con moitas ganas e ilusión. Puideron formular hipóteses, seguir o procedemento e chegar a unhas conclusións, moitas veces sorprendentes.

Se clicades na imaxe poderedes ver algún dos experimentos que se levaron a cabo ao longo de todo o mes. 

 

 

Agora xa podemos dicir que no noso colexio temos verdadeir@s científic@s

 

 

NOVAS ACTIVIDADES NA NOSA BIBLIOTECA

Xov, 03/11/2022 - 20:50 — Silvia

Neste mes tamén iniciamos varias actividades que iremos compartindo con vós en vindeiros días.

Nesta ocasión deixámosvos unhas imaxes de:

 

MOCHILAS VIAXEIRAS                     LERFLIX                              BIBLIOPATIO

      

 

 

Distribuir contido


by Dr. Radut