Actividades

Este mes celebramos o taller do cómic na biblioteca escolar coa elaboración dixital de cómics  na aplicación "canva", potenciando a titorización do alumnado de 5º de EP ao de 1º e 2º de EP.  Aquí podedes ver algunha das fotos que fixemos no proceso. Foi unha experiencia moi enriquecedora!

O 8 de marzo celebramos a semana da prensa coa creación dun telexornal titulado "Éche o que hai".

Nel puidemos descubrir unha morea de noticias de todo o mundo. Atrevimonos a predecir o tempo, a buscar youtubers e curiosidades do mundo, e a informar sobre a temática deportiva entre outras cousas...

Fomos uns auténticos e auténticas xornalistas, agardamos que vos guste moito.

Boa tarde , familias:

Dende FANPA (Federación de Asociacións de nais e pais de Centros Educativos) fannos chegar o " X Certame de relato curto" con publicación.  Con este certame, preténdese fomentar a creatividade do alumnado, potenciar a expresión e comprensión escrita, así como estimular o uso do galego nas familias. 

Se estades interesados, só tedes que ler as bases do certame que aparecen nos arquivos adxuntos. 

O prazo de envío dos relatos orixinais finalizará o 18 de marzo do 2024.

Esperamos que sexa do voso interese e que vos animedes a participar.