Skip to Content

    

 

Complementarias

25N GRAFITEIRO

Mér, 20/12/2023 - 11:57 — rociomaril

O alumnado do noso centro fixo unha pequena investigación sobre mulleres grafiteiras no mundo que  crearon os seus debuxos en sinal de protesta contra a violencia de xénero. 

O resultado foi unha escolma ben bonita de graffitis que decoran o patio do noso centro. 

Aquí vos deixamos un pequeno resumo da explicación dos mesmos así como a cantiga que preparamos para conmemorar dito día. 

Esperamos que vos guste!

 

Visita ao CEE A Barcia

Mér, 20/12/2023 - 01:00 — Secretaria

Os nenos e nenas de 2º de Educación Primaria B visitaron o CEE A Barcia en Santiago de Compostela. Alí puideron coñecer as instalacións do centro: visitar a aula multisensorial, ver e desfrutar dos espazos de lecer..., tamén interpretaron unhas panxoliñas bailando diante dos nenos e nenas dese centro e tomaron un aperitivo nadiveño todos xuntos. Foi unha xornada moi interesante xa que puideron comprobar como se traballa con alumnado que presenta discapacidades como as do seu compañeiro de clase que recibe escolarización combinada.

 

INVITACIÓN CONVIVENCIA ESCOLAR 2023

Lun, 05/06/2023 - 14:30 — Susana

CONVIVENCIA ESCOLAR 

Temos o gusto de invitar a todas as nosas familias a unha xornada de convivencia que se celebrará o próximo 19 de Xuño.

Aquí vos deixamos a invitación. Non o dubidedes e achegádevos a compartir con nós este día tan especial.

AGARDÁMOSVOS!

 

VISITA HÉITOR PICALLO

Ven, 12/05/2023 - 16:59 — Convivencia

Ás portas do día das LETRAS GALEGAS, hoxe tivemos a grande oportunidade de recibir no noso centro a HÉITOR PICALLO, escritor e ilustrador galego. Mediante as súas ilustracións tan peculiares e cheas de vida e información, expúxonos un percorrido ao longo de todas as figuras homenaxeadas nas Letras Galegas. Fixo fincapé no autor homenaxeado este ano, Francisco Fernandez del RIego, amosándonos a ilustración que está a realizar e que se publicará proximamente.  Ademais, comparteu con nós técnicas básicas de ilustración e elaboración de caricaturas, coas que puidemos aprender moito. 

Con isto, estmaos máis que informados/as para a próxima celebración do día das letras galegas, o día de Galiza, das nosas letras, da nosa lingua.

MOITAS GRAZAS HÉITOR!

                                                                                 

 

DESEÑOS ZOCOS 8M

Xov, 27/04/2023 - 20:43 — Convivencia

                   

O pasado 8M se lembrades, puidemos contar con ELENA FERRO, pra conmemorar o Día Internacional da Muller. Todo o alumnado do centro elaborou uns zocos reivindicativos e fixemos un libro para que Elena puidera escoller un e facelo realidade.  E sabedes que? Xa o temos no cole, que ilusión nos fixo recibilo! Sobre todo a Leire Balo Silva de 2º curso de Educación Primaria, pois o seu deseño foi o escollido por Elena. O libro está exposto na entrada ao centro xunto co zoquiño. 

Moitas grazas a todos e todas as participantes na actividade. E tamén damos as grazas a Elena Ferro por facernos un oco na súa apretada axenda e nun día tan particular. Sen a vosa colaboración non sería posible levar a cabo esta actividade tan especial e reivindicativa.

Agardamos que vos guste! 

Distribuir contido


by Dr. Radut