A nosa benvida ao ceip Martagona!

Proxecto Deportivo de Centro

RECREOS ACTIVOS

En canto chegou o bo tempo, e respectando sempre os grupos burbulla e as medidas COVID, organizamos os recreos facilitando ás nenas e nenos balóns, cordas, aros, palas...

No seguinte vídeo podedes ver algunhas imaxes.

 

 

CARREIRA DE ORIENTACIÓN

O profesorado participante no Proxecto Deportivo de Centro artellou esta divertida actividade para o alumnado dos cursos 3º, 4º, 5º e 6º.

Cada un dos grupos participou de xeito individual.

Consistiu no seguinte:

1.- Creación de grupos de 4/5 nenas e nenos.

2.- Os grupos debían buscar 10 preguntas, espalladas e convenientemente sinaladas e identificadas por todo o noso patio (que, por certo, é inmenso).

3.- De xeito colaborativo, tiñan que ir respondendo e anotando nunha folla facilitada previamente.

4.- Unha vez respostadas as cuestións, debían dirixirse á aula de informática, acceder á aula virtual de Educación Física, cargar as respostas nunha ficha interactiva e entregala.

 

Deixámosvos un pequeno vídeo:

 

 

XOGOS COOPERATIVOS POLO DÍA DA PAZ

Co obxectivo de integrar eses obxectivos que perseguimos co noso Proxecto Deportivo de Centro no día a día do alumnado, pensamos en celebrar, co gallo do Día da Paz, uns xogos cooperativos, respectando as medidas contra a COVID.

 

 

CARREIRA SOLIDARIA 2020/2021

Un ano máis, o noso Centro participou na carreira solidaria chamada "VUELTA AL COLE CONTRA LA LEUCEMIA INFANTIL", co obxectivo de recadar diñeiro para loitar contra esta enfermidade e, ao mesmo tempo, promover hábitos de vida saudable e de práctica deportiva. As familias, polo tanto contribuíron coa aportación que consideraron oportuna.

 

Pero, neste contexto de pandemia no que estamos inmersos, non puidemos celebrar a carreira como de costume, polas rúas do arrerdor do Centro, e tampouco puidemos correr todos xuntos.

 

Polo tanto, organizamos unha carreira de relevos no patio, respectando os grupos burbulla. Esperamos que vos guste o vídeo.

 

GRAZAS ÁS FAMILIAS POLA APORTACIÓN 

Powered by Drupal - Design by artinet