MATERIAL DE REPASO PARA O ALUMNADO DE EDUCACIÓN PRIMARIA

Prezadas familias.

Como sabedes, as autoridades educativas decidiron onte o peche dos centros docentes dende o luns, 16 de marzo, e durante 14 días, debido á presenza do virus COVID-19.

Aconsellamos que sigades as indicacións das autoridades sanitarias e informámosvos dos números onde podedes chamar en caso de emerxencia: 061 e 900400116.

PUBLÍCANSE, COMO ARQUIVOS ADXUNTOS, OS MATERIAIS QUE PREPARAMOS PARA CADA UN DOS CURSOS DA EDUCACIÓN PRIMARIA. PREGAMOS QUE SIGADES AS SEGUINTES RECOMENDACIÓNS AO RESPECTO:

- Primeiro e Segundo de Primaria descargarán un único caderno, con fichas para que traballen de xeito globalizado as Linguas e as Matemáticas. PODEN FACER UNHA OU DÚAS CADA DÍA.

- Terceiro, Cuarto, Quinto e Sexto descargarán os cadernos correspondentes ás áreas de Lingua Galega, Lingua Castelá e Matemáticas. PODEN FACER UNHA FICHA DE CADA ÁREA AO DÍA.

- Trátase de actividades de REPASO, que NON SERÁN OBXECTO DE AVALIACIÓN.

- Apoiade aos vosos fillos e fillas na resolución das tarefas.

- Se as nenas e nenos experimentan dificultades ou dúbidas, NON PASA NADA, xa se resolverán cando a situación se normalice.

- Complementade este traballo CON LECTURAS, OPERACIÓNS MATEMÁTICAS, XOGOS...

- Fomentade nos vosos fillos a colaboración nas tarefas do fogar.

Achegamos as tarefas a través da páxina web para evitar, na medida do posible, o contacto directo entre as persoas. Debedes, polo tanto, descargar o arquivo e imprimilo.

No caso de que non dispoñades de medios para acceder e imprimir estes materiais, podedes poñervos en contacto co centro.

Se tedes algunha dúbida ou precisades algunha aclaración, podedes contactar coa Dirección do centro e co profesorado a través do teléfono  (881866149), ou a través do correo electrónico (ceip.martagona@edu.xunta.es)

TANTO A ATENCIÓN TELEFÓNICA COMO PRESENCIAL ESTARÁN CONDICIONADAS AO QUE DECRETEN AS AUTORIDADES NAS PRÓXIMAS DATAS.

Grazas pola colaboración.

Desexamos que esta situación se revirta á maior brevidade posible.