Skip to Content

VOTACIÓN FINAL ORZAMENTOS PARTICIPATIVOS!!

Convidamos de novo a toda a comunidade educativa a apoiar a proposta de investimento nos orzamentos participativos do Concello da Coruña, solicitada pola ANPA Xanela,  para lograr melloras no noso centro. Estamos na fase final!!!

Podedes votar pola nosa proposta de xeito presencial en varias ubicacións indicadas no cartel. Destacamos que o luns 30 poderedes votar pola  mañá no mercado de Elviña e pola tarde no centro cívico do Castrillón. Tamén se pode efectuar o voto de xeito telemático na seguinte ligazón:

 https://nacorunacontas.coruna.gal/budgets/7/investments/4641

 

Entre todos/as conseguiremos mellorar as instalacións!!!

ACONDICIONAMENTO E PINTADO DOS MUROS INTERIORES DO CEIP MARIA PITA

 

Convidamos a toda a comunidade educativa a apoiar a proposta de investimento nos orzamentos participativos do Concello da Coruña, solicitada pola ANPA Xanela,  para lograr melloras no noso centro. 

Podedes votar pola nosa proposta de mellora ata o 10 de outubro na seguinte ligazón:

 https://nacorunacontas.coruna.gal/budgets/7/investments/4641

CALENDARIO ESCOLAR 2023-2024

 

Solicitáronse á Xefatura Territorial os días 13 de outubro e 20 de maio coma  días de carácter non lectivo. 

REUNIÓNS INICIAIS COAS FAMILIAS

No seguinte documento adxunto poden consultar as datas das reuniones iniciais coas familias:

BENVIDOS/AS!!

Prezadas familias,

Todo o profesorado do centro así coma o Equipo Directivo quere darvos a BENVIDA ao novo curso escolar e desexarvos un FELIZ CURSO!!

 

REUNIÓN 4º EDUCACIÓN INFANTIL

Prezadas familias de 4º de Educación Infantil,

Todo o profesorado do centro e o Equipo Directivo quere darvos a BENVIDA ao noso centro e desexarvos un feliz curso!!

O xoves 07 de setembro ás 10:00h teredes unha reunión coas titoras para coñecer as aulas e normas de organización e funcionamento da nosa escola. Podedes aproveitar esta reunión para achegar o material do alumnado.

Os nosos mellores desexos neste inicio de curso!!

 

 

 

ENTREGA DE LIBROS DO FONDO SOLIDARIO E VALES

A entrega dos libros adxudicados polo fondo de libros así coma dos vales que non foron recollidos no mes de xullo realizarase o XOVES 7 DE SETEMBRO nos horarios e espazos que figuran no documento anexo

LISTAXES PROVISIONAIS DE ALUMNADO ADMITIDO NO TRANSPORTE ESCOLAR

As listaxes de alumnado admitido como usuario de transporte escolar para o curso 2023-2024 están publicadas no taboleiro interior do centro.

Datas de interese:

  • Publicación das listaxes provisionais: VENRES 01 de setembro
  • Prazo de reclamación: do LUNS 4 de setembro ao MÉRCORES 6 de setembro ambos os dous incluídos.
  • Publicación das listaxes definitivas: VENRES 8 de setembro.

LISTAXES DEFINITIVAS DO FONDO SOLIDARIO DE LIBROS 2023 - 2024

As LISTAXES DEFINITVAS de admitidos/as do Fondo de Libros poderán consultarse dende hoxe, 03 de xullo, no taboleiro de entrada do colexio e na aplicación FondoLibros usando a Chave365, certificado dixital ou DNI electrónico.

A entrega de vales será o 05 e 06 de xullo en horario de 10 a 13h.

Os libros adxudicados serán entregados  en setembro.

LISTAXE PROVISIONAL DO FONDO SOLIDARIO DE LIBROS 2023-2024

As LISTAXES PROVISIONAIS de admitidos/as do Fondo de Libros poderán consultarse dende hoxe, 28 de xuño, no taboleiro de entrada do colexio e na aplicación FondoLibros usando a Chave365, certificado dixital ou DNI electrónico.

O prazo de reclamación a estas listaxes é o 29 e 30 de xuño.

As listaxes definitivas serán publicadas o 03 de xullo.

As listaxes de beneficiarios/as dos VALES para a adquisición de libros de texto e/ou material non se publicará (segundo a Lei de protección de datos) e poderán ser consultadas na administración do centro de 10 a 13h.

A entrega de vales será o 05 e 06 de xullo en horario de 10 a 13h.

Distribuir contido


by Dr. Radut