VIDEOS PARA TRABALLAR NAS AULAS O COIDADO DO PLANETA.

AO FINAL HAI UN ENLACE DE SOGAMA CON XOGOS INTERACTIVOS ADAPTADOS AS DIFERENTES IDADES.

PARA OS MÁIS PEQUENOS:

PRIMARIA 

PELÍCULA: EL VIAJE A GAIA

XOGOS INTERACTIVOS

http://www.sogama.gal/es/info/juegos-escolares

Presentamos este Power Point como resumo final de todo o que aprendimos neste curso, coñecendo o Camiño de Santiago, especialmente o tramo que pasa pola nosa localidade.

Descubrimos durante este curso o tramo do camiño portugués que pasa pola nosa localidade. Coñecemos lugares  e historia da nosa vila.

Todo o alumnado fixo diferentes tramos do camiño en varias etapas e desfrutamos da riqueza paisaxística que nos arrodea, tanto polo monte como pola costa.

As familias participaron en andainas cos seus fillos/as, descubrindo as sendas da súa man.

E agora queremos que veñan moitos peregrinos e peregrinas a coñecelo, pero que o coiden e o respecten. Co traballo en equipo de todo o alumnado do centro elaborouse un cartel sobre as boas prácticas para ser un bo peregrino/a.

Este cartel entregárase ao Concello para que se poña en lugares de paso de  peregrinos: albergue, puntos de información, estación marítima.

        O alumnado de 1º e 2º de primaria realizaron xunto coas súas familias comedeiros para paxaros con material reciclado.

Aquí vos deixo as fotos dos comedeiros tan creativos e sostibles que se fixeron.

      O alumnado de 1º e 2º de primaria fixeron a última etapa do camiño portugués que pasa pola nosa localidade.Dende o albergue ata a cetaria Redonda, pasando pola praia e lavadoiro de Fedorento e a praia de Area Grande.

   O alumnado de 5º e 6º de primaria fixeron un novo tramo do Camiño de Santiago, en Oia.

Comezaron na capela de San Sebastián, visitaron a capela e seguiron camiñando pola costa rochosa ata a entrada do porto de Oia.Dende o porto puideron ver a Camboa,antiga pesqueira que tiñan os monxes.

Seguindo os sinais do Camiño pasaron polo Arrabal, pobo típico con casas restauradas, entre elas a casa Reitoral.

No percorrido toparon con varios canizos dos que aprenderon as súas partes e o seu uso.

Chegando ao adro do mosteiro visitaron a Igrexia Parroquial coas explicacións do párroco  Don Daniel, naves, arcos, capelas, tellado, campanario...

Puideron desfrutar da boa sonoridade do coro da igrexia, ata se animaron a cantar a táboa do 5 con canto gregoriano e escoitar o canto gregoriano de D. Daniel.

E antes de volver unha boa merenda cunhas boas vistas e un bo día.

E rematan a saída no Cruceiro Centinela e de volta ao autobús.

Moitas gracias Don Daniel!!

Hoxe 22 de abril,DÍA DA TERRA comparto este Genially de Sonia Cartón.

Para saber máis sobre o Camiño de Santiago o alumnado de 6º entrevistou a dous peregrinos que lles contaron a súa experiencia.

O profesor Alberto que fixo o camiño en bici e a peregrina Elvira que fixo o camiño a pé.Resultou unha experiencia moi interesante na que os alumnos fixéronlles moitas preguntas.

                                                           Gracias Elvira e Alberto!  

               O alumnado levou os produtos recollidos na horta as súas casas, para cociñalos e comelos.
Nada que lle de máis significado ao seu traballo na horta  que cociñalo e comelo.

Aquí vos deixo algunhas receitas de 1º e 3º de primaria, coas fotos amosando  como o cociñaron
e o bo que estaban os pratos.Bo proveito!

                                                                   RECEITAS DE 3º DE PRIMARIA

       Coa chegada da primavera o alumnado de 2º de primaria  repón as plantas nos testos do patio do sol.

Renováronse os cultivos. Despois de recoller o plantado en outono, agora toca sementar novos cultivos propios desta época do ano: leitugas, tomates, fresas, rúcula e plantas aromáticas e medicinais.

Durante esta semana aproveitando o bo tempo, todos os cursos puxéronse mans a obra e deixaron así de bonitas e ben traballadas as súas parcelas.

     O alumnado do Centro rematou o trimestre facendo un segundo tramo do Camiño de Santiago que pasa pola nosa localidade.

Educación infantil percorreu un tramo do Camiño que pasa pola nosa vila e visitaron o albergue municipal.

5º e  6º seguindo os sinais pola vila chegaron ao tramo do camiño pola costa,visitando as cetáreas e admirando a paisaxe e vexetación da zona.

 1º e 2º fixo o tramo que pasa polo centro da vila, almorzaron no Castelo de Santa Cruz e visitaron o albergue municipal do peregrino con Rosalía como guía.

O alumnado de 4º de primaria fixo o percorrido do Camiño da Santiago  pola vila e visitou o albergue.

Co tema do camiño de Santiago realizáronse nas aulas diferentes manualidades.

Deixo aquí as fotos dalgunhas das manualidades realizadas.

                                                                     VIDREIRAS EN 4º DE PRIMARIA

                             CUNCHAS DE EDUCACIÓN INFANTIL                       CUNCHAS DE 1º E 2º DE PRIMARIA

       Seguemos recollendo os cultivos deste ano, e preparando as parcelas para sementar novos cultivos de primavera.

Aquí vos deixo fotos do alumnado de 1º e 5º de primaria recollendo acelgas, nabos e grelos.