A semana na que se pechou a escola pola pandemia debida ao coronavirus celebramos a “semana pola diversidade familiar” cunha serie de actividades organizadas dende o departamento de orientación e que quedaron parcialmente suspendidas debido aos acontecementos. O obxectivo desta celebración é ofrecer ao conxunto da comunidade escolar unha ferramenta máis de tolerancia baseada no respecto e na diversidade como un elemento de aprendizaxe,de enriquecemento e de crecemento persoal.
Como cada ano por estas datas e coincidindo co dia en que finou Miguel de Cervantes celebramos o “Dia do Libro”.E fundamental espertar o habito lector en idades temperás xa que a lectura é a base da cultura, permítenos acceder a información e axuda ao desenvolvemento das capacidades mentais e da imaxinación.
Este ano, con todo o que está a acontecer a lectura ,mais que nunca, pode constituír unha valiosa ferramenta onde poder refuxiarnos e saír airosos.
Dende a Biblioteca propuxéronvos unha serie de retos para conmemorar esta data e que vos resolvéchedes con moitísima imaxinación.
Nestes momentos que estamos a vivir , máis que nunca, arelamos o contacto directo con todos os alumnos e alumnas, nenos e nenas que dan sentido á nosa vocación docente . Por elo queremos darvos as grazas polas manifestacións de agarimo que estamos a recibir e que animan o noso dia a dia.
Estes preciosos vídeos feitos polos pais, nais e nenas e nenos de distintos cursos constitúe un "chute" de enerxía para todo o profesorado.
Informámoslles da necesidade de que se dean de alta na aplicación ABALAR para poder estar en contacto coa escola para novas informacións e avisos. Podedes instalala nos vosos móbiles sen ningunha dificultade. Moitas grazas, unha aperta grande para toda a comunidade educativa dende o Manuel Padín Truiteiro; e lembrade que estes días QUEDAMOS NA CASA"
Estimadas familias: ante a situación na que nos atopamos e debido á premura dos acontecementos que estamos a vivir, vémonos na obriga de tomar medidas para que o noso alumnado manteña unha rutina de traballo dende as súas casas. Por esta razón os mestres e mestras da nosa escola estamos a elaborar material que colgaremos nesta páxina web. Quen non teña a posibilidade de acceder a mesma poderá vir pola escola a coller o material.
Nesta ocasión tivemos a sorte de recibir a Rosa Aneiros , gañadora do Premio Merlín 2019 de literatura infantil co seu libro " Xelis o guieiro dás botellas de mar". O alumnado, que xa tiña lido o libro, puido compartir con ela distintos puntos de vista que xurden ca lectura.
Foi unha velada moi interesante na que todos e todas tomamos conciencia da necesidade de loitar por un planeta máis limpo.