Este ano a nosa proposta para o certame da camelia do Concello de Soutomaior e a presentación da nosa:

“Xeadería A Camelia” unha xeadería que aposta pola diversidade, pola igualdade e pola inclusión real de todas e todos, mascarón de proa da nosa escola.

GRAZAS! Con maiúsculas a todas as familias que nos axudastes aportando as vosas camelias todas diversas, todas diferentes, todas iguais.

POR UN SOUTOMAIOR INCLUSIVO!

Pensamos que a inclusión ten que ir máis alá da escola, onde a procuramos cada día. Despois de traballar nas aulas co alumnado de 6º que poderiamos facer para que o noso concello fose máis inclusivo decidimos investigar na rede que campañas había noutros lugares de Galicia e España para acadar unha inclusión máis real e efectiva.

Acordamos facer unha campaña parecida á que fixo en Rota a asociación “Aula TGD”

Como dende a asociación transmiten a accesibilidade cognitiva debe prestar información para que poida ser entendida por calquer persoa.

Polo que escomenzamos esta campaña para ir eliminando barreiras, pedímoslle colaboración ao comercio local cunha resposta moi positiva e con moitas ganas de participar ao igual que dende o Concello de Soutomaior.

Escomenzaremos polos comercios para ir logo acercándonos aos edificios públicos como centro de saúde, biblioteca, concello, etc.

Entregamos os pictogramas correspondentes para que os coloquen en lugares visibles dende o exterios e que poidan cumprir así coa  súa función visual a todo o que a necesite. Para poder levala a cabo empregaremos os pictogramas de "ARASAAC"

E CHEGA O SAMAÍN!

Achégase a noite do 31 de outubro, e dentro da tradición máis enraizada da nosa terra atopamos:

“O SAMAÍN””

O Samaín foi o orixen de todo, significa “fin do verán”, pois os antigos celtas celebraban nese momento a transición ao inverno. Esta celebración milenaria ten lugar cada ano, nestas datas cóntase que é maís fácil transitar entre dous mundos: o dos vivos e o dos mortos.

O Samaín marcaba a chegada do Ano Novo que se dividía en dúas partes: unha oscura e outra clara.

Algunhas persoas cubríanse con peles de animais e máscaras, para despistar aos espíritus, e isto dá lugar ao costume que temos hoxe de disfrazarnos.

A tradición do lume conservouse nas aldeas galegas e non hai que esquecer que as poboacións celtas collían as caveiras dos mortos nas batallas e iluminábanas para colocalas nos muros dos castros, de aí o costume das cabazas.

Hoxe 8 de marzo, DÍA INTERNACIONAL DA MULLER queremos rendirlle unha homenaxe a todas as

mulleres que traballaron, que traballan e que nun futuro traballarán o mar, mulleres valentes e

loitadoras, mulleres que lle dan VIDA.

Grazas a todas!

Para ver a entrevista preme no seguinte enlace:

AS NOSAS MULLERES DO MAR DE ADENTRO. A ENSEADA DE SAN SIMÓN

https://youtu.be/y3M_LpMdPHE

POR FIN! Chegou o ENTROIDO, a festa das festas e este ano imos celebralo dun xeito moi especial.

Volvemos desfilar polas rúas de Arcade!

Dentro do noso proxecto de centro, no que estamos a traballar a Enseada de San Simón como espazo natural único; imos adicarlle ao mundo do mar esta festa.

Representaremos cos nosos disfraces parte da fauna que nela vive para pór en valor a súa importancia e o imprescindible que é para a nosa zona.

Medio de vida para moitas persoas, non esquezades que a temos que coidar e respectar, pero sobre todo QUERELA!