Letras Galegas 

Ademais de rendirlle homenaxe a Xosé Mª Álvarez Blázquez, celebramos o 25 aniversario do noso xornal escolar: "O ESPIGONCIÑO" cunha exposición de todos os números publicados ata o momento e das máquinas e materiais empregados para a súa elaboración desde o seu comezo ata agora.

Xunto con esta edición normal do Espigonciño, editamos, en colaboración co Concello, unha edición especial que consta dunha escolma dos artigos máis relevantes publicados nos números anteriores, así coma de aportacións de antigos colaboradores.

Asemade, todo o alumnado de Educación Primaria, participou nun festival con obras de teatro, cancións e recitado de poemas do autor homenaxeado.