blogue deEquipo directivo

Solicitude de praza reservada a alumnado procedente de centros adscritos

Estimadas familias:

Dende este luns día 15 de xaneiro ata o día 5 de febreiro queda aberto o prazo para a reserva de praza no alumnado procedente de centro adscrito. A nós correspóndenos o IES Sánchez Cantón.

Toda a información referida a este procedemento está dispoñible a través da aplicación: www.edu.xunta.gal/admisionalumnado.

Poderán cumprimentar as solicitude de reserva:

- De xeito manual. Empregando o formulario en papel.

- A través da aplicación. Solicitudes > Reserva > Crear

Esta solicitude deberá presentarse:

- No centro educativo.

- A través de sede electrónica (precisarase Chave 365 ou certificado dixital). Sendo esta a canle preferible de presentación.

O comportamento da aplicación será diferente se se cubre estando identificado ou non:

- Familias/usuarios sen identificar: Introducirán todos os datos. Premerán no botón de Crear, aparecendo unha mensaxe para poder descargar a solicitude e o anexo I Bis que deberá presentar no centro.

- Familias/usuarios identificados: Unha vez gravada a solicitude na aplicación, aparecerán as opcións para presentar e asinar a solicitude na sede electrónica ou para descargar o informe (solicitude) e presentalo no centro educativo.

As dúbidas que poidades ter serán resoltas dende secretaría, dentro do horario establecido.

Un cordial saúdo,

O equipo directivo

2 adxuntos

Festival de Nadal

Estimadas familias:

Xa están a chegar as vacacións de Nadal e queremos deixarvos un pequeno recordo coas actuacións dos nosos alumnos e alumnas para animar esta época do ano tan especial.

Moita música e diversión para esta ocasión. Achegamos dous clips de vídeo, o primeiro dende infantil ata segundo de primaria e no segundo van os demais cursos.

De parte de todo o equipo docente desexámoslles unhas moi boas festas e que 2024 veña cheo de grandes momentos.

("Clic" na imaxe)

Bo Nadal!

Navegación segura con E-Dixgal

Estimadas familias:

A seguridade no uso dos dispositivos do alumnado é unha prioridade para todos nós. Así, dentro da rede corporativa do centro xa contábamos cun sistema que aseguraba unha navegación segura.

Nos próximos días os portátiles dos vosos fillos e fillas recibirán unha actualización da maqueta Abalar 11 que impedirá o acceso non autorizado a espazos con información sensible ou que non son axeitados para o alumnado baseado nas seguintes categorías: adultos, xogos, apostas, malaware, phising, bitcoin, redes sociais, drogas, etc.

Ademais infórmanos de que estas categorías e listas de sitios bloqueados serán amplamente revisadas e actualizadas constantemente.

Esperamos que esta información resulte de utilidade.

Un saúdo,

O equipo directivo.

1 adxunto

Xornada de iniciación aos Primeiros Auxilios

O pasado martes todo o centro puido adquirir coñecementos e habilidades á hora de enfrontarse a unha situación de urxencia. Dende o alumnado de infantil ata os maiores de sexto puideron aprender normas de actuación e manobras básicas que todos deberíamos adquirir como parte dun proxecto con continuidade.

Esta actividade foi posible grazas á colaboración da Escola Universitaria de Enfermería de Pontevedra que facilitaron o material e dedicaron o seu tempo a explicar, segundo a idade do alumnado, as guías de actuación nunha situación de emerxencia, como reaccionar ante unha situación con obstrución das vías respiratorias ou como usar un desfibrilador externo automático.

Resumindo, foi un día de novas aprendizaxes pero sobre todo unha xornada para incidir na responsabilidade e desenvolver a empatía cara os demais.

Achegamos algunhas fotos dos diferentes grupos.

https://www.edu.xunta.gal/centros/ceipfroebel/galeria/thumbnails.php?album=255

Recibide un cordial saúdo.