Mamá Cabra é un fantástico grupo de música infantil en galego que leva xa unha andaina considerable na tarefa de converter cancións en sorrisos. Esta é a súa páxina web: http://mamacabra.com/.
O seu último traballo é "Ola, ola lá!" que conta con moitas cancións divertidas para disfrutar da música aínda que calquera dos seus discos son impresionantes.
No festival de fin de curso do ano pasado interpretamos "Todo natural", un tema que pertence a este CD.
Nestes momentos aínda hai concertos espallados por toda Galicia e é posible que poidades asistir a algún... a experiencia é inolvidable!!
No video podedes ver e escoitar un pedazo de ensaio do grupo Mamá Cabra e máis a actuación de fin de curso.
"Contos en Cantos" é un libro-disco de música infantil en galego que consta de 13 cancións compostas por Almudena Janeiro (mestra de Educación Musical). Todas elas fan referencia a contos de OQO Editora: "Paco Papán", "Chocolata", "Mariluz a Avestruz", "Corre corre cabaciña" ou "Loboferoz".
Estes contos, coas súas cancións, son interpretados polo alumnado de Educación Infantil do noso centro co acompañamento da guitarra. A todos/as nos encanta disfrutar deste disco!
Nos seguintes videos podedes escoitar unha actuación de fin de curso cos nenos e nenas de primeiro de primaria e algunhas das cancións deste fantástico traballo... Sabedes cales son?