Estimadas familias.
Achegamos a información que nos traladan dende a Sección de Bolsas da Xefatura Territorial de A Coruña:
Para a súa información comunicámoslles que:
o sábado 10 de marzo publicouse no BOE a nova convocatoria de bolsas de carácter xeral para o curso 2022/2023.
Modifícanse os prazos e o procedemento de xestión das solicitudes.
O prazo para presentar as solicitudes é do 30 de marzo ao 12 de maio, inclusive.
A presentación realízase a través da sede electrónica do Ministerio de Educación.
Nunha 1ª Fase preténdese realizar as comprobacións económicas.
As unidades de tramitación de bolsas revisarán os datos persoais e familiares necesarios para a comprobación da renda e patrimonio familiar e enviarán as solicitudes á Axencia Tributaria para o seu cálculo.
Nunha 2ª fase informarase os solicitantes do resultado das comprobacións económicas anteriores, dándolles un prazo para formular alegacións se procede.
Doutra banda, informarase tamén do procedemento e prazo para que poidan modificar a súa solicitude inicial, no relativo aos datos académicos.
Máis información na seguinte ligazón:
https://www.becaseducacion.gob.es/portada.html
A convocatoria de axudas para alumnos con necesidades específicas de apoio educativo publicarase despois da convocatoria xeral, a partir do mes de maio.
Sección de Bolsas
Xefatura Territorial da Coruña
Consellería de Cultura, Educación e Universidade
Rúa Vicente Ferrer, 2, 9º andar.
Telefóno 981 184 741/ 981 184 742/ 981 185 725 / 881 881 647
Saúdos.
