Blogue de Pablo Sanchez

Comezamos o curso con enerxía e moitas gañas de esforzarnos e traballar en equipo, cos novos grupos de compañeiros/as en cada clase.

En EF estivemos a facer xogos cooperativos para fomentar valores como o esforzo e o traballo en equipo.

Todo isto é fundamental por varias razóns:

Desenvolvemento persoal e social: O esforzo e o traballo en equipo son dúas competencias clave para o desenvolvemento persoal e social dos nenos e nenas. Estes valores axudan a mellorar as súas habilidades de comunicación, a súa capacidade para resolver problemas e a súa autoestima.

Fomento do respecto e a tolerancia: Traballar en equipo require aprendizaxe para aceptar as diferenzas, valorar as opinións dos demais e respectar as regras. Estes son elementos fundamentais para a convivencia pacífica na sociedade.

Preparación para o futuro: No mundo laboral, valorase moito a capacidade de traballar en equipo e de esforzarse por alcanzar obxectivos. Por tanto, fomentar estes valores desde a infancia pode axudar aos nenos e nenas a ter éxito no futuro.

Hoxe é un día triste no que todos e todas nos emocionamos ao relembrar toda a etapa que estes alumnos/as viviron neste centro.

Nove anos cheos de ledicia no que acompañamos a aprendizaxe deste nenos e nenas.

Grazas por todo e moita sorte nesta nova etapa!

O Colexio sempre terá as portas abertas para todos vós.

Brais, Sofía, Iker, Iván, Sara, Claudia, Raquel, Daniel, Lorenzo

G R A Z A S    P O R    T O D O 

PD: Tedes todas as imaxes na galería.

No día de hoxe tivemos a gran sorte de ter a visita de Xoan Curiel, un artista que destaca pola súa creatividade e prolífica obra dentro do panorama musical galego. 

Cantante, compositor, músico, actor e director, desenvolve a súa carreira en Santiago de Compostela dende hai vinte anos. Camiña de disco en disco mudando de pel sen saber que cor vai ter o seguinte traballo, sempre experimentando con novas sonoridades, cores e ritmos. Como artista independente ten por bandeira a liberdade creativa e a evolución constante na artesanía da súa labor.

Compartimos algunhas das imaxes do día de hoxe, no que puidemos cantar e bailar con el; ademáis fíxonos un fermoso agasallo para Camacho e a nosa Biblioteca Escolar: o seu libro "Estamos no verán".

Agradecer ao Concello de Aranga pola súa colaboración.

Os compañeiros e compañeiras de 5° e 6° de Educación Primaria descubriron a través da materia de música un novo ritmo, e o máis incrible é que se pode facer cun instrumento moi sinxelo: un vaso.

Como lles saía moi ben, pensaron que sería boa idea poñerlle letra a ese ritmo, e así crear a súa propia versión desta canción.

Desde a materia de lingua estranxeira practicaron a letra en inglés, para a que contaron coa axuda de Noah, o auxiliar de conversa.

A continuación, deixámosvos o resultado de voz e ritmo que conseguiron os nenos e nenas. Esperamos que vos guste este marabilloso videoclip! Un forte aplauso para os artistas!