Blogue de Pablo Sanchez

Campionato de Bádminton; que ben o pasamos!

Mar, 19/03/2024 - 14:49 — Pablo Sanchez

O bádminton é un deporte que, a pesar de non ser tan popular como o fútbol ou o baloncesto, ofrece múltiples beneficios para o desenvolvemento físico e mental dos nenos e nenas en idade escolar.

Incluir o bádminton é un deporte que ofrece múltiples beneficios para os alumnos de educación primaria, tanto a nivel físico como mental.

A súa práctica axuda no desenvolvemento de habilidades físicas básicas, fomenta o traballo en equipo e a socialización, estimula a concentración e a toma de decisións, e promove un estilo de vida activo e saudable.

8 de marzo: Día da muller

Ven, 08/03/2024 - 18:00 — Pablo Sanchez

Celebrar o Día da Muller retratando mulleres importantes das nosas vidas é unha fermosa maneira de recoñecer e honrar a súa influencia, forza e contribucións.

Cada muller na nosa vida, sexa nai, irmá, amiga, mestra ou compañeira, ten unha historia única e un impacto significativo na nós.

Punto Laranxa, non cales, escoitámoste!

Mér, 06/03/2024 - 14:25 — Pablo Sanchez

Xa temos instalado no cole o Punto Laranxa!

Trátase dun espazo físico, accesible a todas e todos, que consta dunha caixa onde calquera persoa pode depositar de forma anónima información relativa a unha posible situación de acoso ou ciberacoso escolar.

Ademáis, xa está habilitada unha función de formulario anónimo na marxe dereita da páxina web oficial do centro; por se alguen o prefire facer de xeito dixital.

Aquí o acoso non ten cabida! Non cales, escoitámoste!

Onda Vacaloura! A voz dos nenos e nenas do CEIP A Castellana

Ven, 01/03/2024 - 11:16 — Pablo Sanchez

Hoxe temos o pracer de anunciar a creación da nova radio escolar Onda Vacaloura, que se desenvolverá dende o colexio.

Estamos moi entusiasmados coa posibilidade de compartir podcast de forma periódica co fin de fomentar as novas tecnoloxías no alumnado.

A nosa radio escolar será unha plataforma para a difusión de información e apredizaxe.

Queremos que sexa un espazo onde poidamos compartir noticias, opinións e moito máis. Tamén pretendemos involucrar ao alumnado, dándolles a oportunidade de desenvolver as súas habilidades de comunicación e fomentando a súa creatividade.

Coa nova radio Onda Vacaloura, esperamos facer a diferenza na nosa comunidade educativa e na sociedade en xeral. Queremos que sexa unha ferramenta para que todos os estudantes poidan expresarse e ser escoitados.

*Nota: Agradecemos o apoio de todos e todas nesta nova aventura radiofónica, en especial a ANPA e ao Concello de Aranga por axudarnos na adquisición do material. Agardamos contar coa vosa participación na escoita para facer desta iniciativa un éxito.

PODCAST 1. UNHA CONVERSA SOBRE A PAZ

PODCAST 2. A IMPORTANCIA DE MOVER O ESQUELETO

PODCAST 3. A IMPORTANCIA COMER SAUDABLE

PODCAST 4. LEMBRAMOS A ROSALÍA DE CASTRO

Hoxe coñecemos a Draculiño cun contacontos!

Mér, 28/02/2024 - 13:13 — Pablo Sanchez

Hoxe visitounos David Rodríguez, un contacontos que nos relatou un femoso conto sobre Draculiño, un neno convertido en vampiro.

Os contacontos xogan un papel fundamental no desenvolvemento dos nenos, pois estimulan a imaxinación e a creatividade. A través das historias, os nenos aprenden valores, culturas e resolven conflitos, o que favorece o desenvolvemento emocional e social.

Ademais, escoitar contos axuda aos máis pequenos a mellorar a súa comprensión auditiva e a ampliar o seu vocabulario. Este tipo de actividade tamén fomenta o amor pola lectura desde idades temperás, establecendo unha base sólida para o seu futuro académico e persoal.

Agradecer á Editorial Anaya por brindarnos esta fermosa actividade.

Celebramos o entroido!

Xov, 08/02/2024 - 18:32 — Pablo Sanchez

Onte estivemos a desfrutar dunha fermosa xornada de Entroido. Este ano fomos caracterizados de animais.

Os alumnos/as de Educación Infantil disfrazaronse de animais mariños, 1º e 2º de EP de animais do bosque. 3º e 4º de animais de paxaros ou aves salvaxes e os mais maiores do colexio foron disfrazados de animais da granxa.

Sen dúbida, foi un fermoso día no que todos e todas puidemos desfrutar do Entroido grazas a boa participación de toda a Comunidade Educativa.

Compartimos con todos vos, algunhas imaxes. Recordade que poderedes atopar a totalidade de imaxes na galería facendo clic aquí.

Agradecer a todos os pais/nais pola grandísima participación e a ANPA por eses doces tan ricos!

Xogamos ao Colpbol

Xov, 01/02/2024 - 23:28 — Pablo Sanchez

O colpbol, é un deporte que promove a cooperación e o traballo en equipo, xa que se xoga en grupos e require a participación de todos os membros para o desenvolvemento do xogo.

Aquí vemos aos alumnos de 3º e 4º de Primaria na pista exterior desfrutando dun fermoso día:

Esta disciplina fomenta a inclusión, pois permite a participación mixta e adapta as regras para diferentes niveis de habilidade, ademais de mellorar capacidades físicas como a velocidade, a resistencia e a coordinación, ao tempo que estimula a toma de decisións rápidas e a estratexia colectiva.

O Floorball en Educación Física

Xov, 01/02/2024 - 13:45 — Pablo Sanchez

O floorball é un deporte que ofrece múltiples beneficios no ámbito da educación física, especialmente no contexto escolar.

Algúns dos beneficios do floorball en educación física son:

Inclusión e accesibilidade: O floorball é un deporte que poden practicar persoas de diferentes idades e habilidades físicas. Isto fai que sexa unha excelente opción para integrar a todos os estudantes, independentemente do seu nivel de habilidade ou condición física.
Desenvolvemento motor: A práctica do floorball promove a mellora da coordinación man-ollo, a agilidade e a velocidade de reacción. Ademais, axuda a desenvolver habilidades motoras finas e groseiras, como a destreza manual ao manexar o stick e o control do balón.
Fomento do traballo en equipo: O floorball é un deporte de equipo que incentiva a colaboración e a comunicación entre os xogadores. A participación nun equipo pode axudar a mellorar as habilidades sociais dos estudantes e promover un ambiente de respecta mutua.
Educación en valores: Practicando deportes como o floorball, os estudantes poden aprender valores importantes como o fair play, o respecto polas regras, a perseveranza e o manexo das vitorias e derrotas.
Diversión e motivación: O carácter dinámico e emocionante do floorball pode aumentar a motivación dos estudantes para participar nas clases de educación física.

Este deporte ofrece unha alternativa divertida aos deportes tradicionais, o que pode axudar a manter o interese dos alumnos.

Celebramos o Día da Paz!

Lun, 29/01/2024 - 13:16 — Pablo Sanchez

O Día da Paz é unha data fundamental para fomentar entre os nenos de educación infantil e primaria valores como a tolerancia, o respecto mutuo e a non violencia.

Celebrar o Día da Paz nas escolas serve para sensibilizar os pequenos sobre a realidade de moitos nenos no mundo que viven en situacións de conflito e carestía.

É unha oportunidade para ensinarlles a importancia de convivir en sociedade respectando ás demais persoas, independentemente das súas diferenzas.

Festival de Nadal!

Xov, 21/12/2023 - 13:10 — Pablo Sanchez

Hoxe celebramos por todo o alto a chegada do Nadal e das tan merecidas vacacións para todos e todas, xa que traballaron moito durante este primeiro trimestre.

Compartimos con todos vós as actuacións de Nadal destes pequenos e pequenas gran artistas e algunha imaxe da fermosa xuntanza que fixemos entre toda a Comunidade Educativa, desfrutando dun delicioso chocolate con larpeira.

Tedes o resto de imaxes na galería.