Prazo para presentar solicitudes: do 19 de maio ao 22 de xuño de 2022 (incluído).
As solicitudes pódense presentar electrónicamente na aplicación Fondo Libros ou de forma presencial no centro, utilizando o anexo I e o anexo II da orde de convocatoria.
As modalidades de gratuidade solidaria ás que pode ter dereito o alumnado matriculado en centros docentes da CCAA de Galicia sostidos con fondos públicos son as seguintes:
a) Fondo solidario de libros de texto do alumnado matriculado en 3º, 4º, 5º e 6º de educación primaria (EP), e en 1º, 2º, 3º e 4º de ensinanza secundaria obrigatoria (ESO).
b) Axudas para adquirir libros de texto destinadas ao alumnado matriculado en 1º e 2º de EP, e en educación especial (EE), así como as axudas que pode recibir o alumnado incluído na disposición adicional primeira da orde.
c) Axudas para material escolar destinadas ao alumnado matriculado en Ed Primaria, ESO e EE.
*Recoméndase ás familias que consulten o artigo 3 da convocatoria para poder calcular se teñen dereito a recibir as axudas:
"Artigo 3. Renda per cápita da unidade familiar
1. Para os efectos desta orde, a renda per cápita da unidade familiar é o resultado de dividir a renda da unidade familiar do exercicio fiscal 2020 entre o número de membros computables, tendo en conta que computarán por dous os membros que acrediten unha discapacidade igual ou superior ao 33 % ou a percepción dunha pensión da Seguridade Social por incapacidade permanente nos graos de total, absoluta ou grande invalidez, ou a equivalente de clases pasivas.
2. A renda da unidade familiar será o resultado de sumar as rendas de cada un dos membros computables da familia que obteñan ingresos de calquera natureza, de conformidade coa normativa reguladora do imposto sobre a renda das persoas físicas. Cando se presentase declaración do imposto sobre a renda das persoas físicas no exercicio fiscal 2020, sumaranse a base impoñible xeral (recadro 435) e a base impoñible do aforro (recadro 460); cando non se presentase, teranse en conta os ingresos de acordo cos datos tributarios facilitados pola Axencia Estatal de Administración Tributaria.
3. Nos casos de violencia de xénero, cando o agresor forme parte da unidade familiar, non se terán en conta os ingresos deste para determinar a renda per cápita da unidade familiar.
DOCUMENTACIÓN A PRESENTAR:
- Solicitude segundo o Anexo I.
- Anexo II (comprobación de datos dos membros computables da unidade familiar).
- Copia do libro de familia ou documento equivalente onde figuren o alumno e os demais membros computables da unidade familiar. En caso de separación ou divorcio, ademais deberán achegar a sentenza xudicial de separación ou divorcio e/ou convenio regulador onde conste a custodia do menor.
*Excepcionalmente, poderase acreditar o número de membros computables utilizando algún dos seguintes medios:
* Certificado ou volante de convivencia.
* Informe dos servizos sociais ou do órgano equivalente do concello onde resida a familia.
- Certificado de discapacidade do/da alumno/a ou de calquera membro da familia non expedido pola Administración autonómica.
- Documentación xustificativa da situación de violencia de xénero no ámbito familiar.
- Resolución xudicial de incapacitación con patria potestade prorrogada ou rehabilitada.
- Resolución administrativa ou xudicial acreditativa da situación de acollemento ou certificado do centro de menores, para alumnado en situación de tutela ou garda da Xunta de Galicia.
- Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai ou a nai ou o/a titor/a ou titores/as carezan de DNI ou NIE.
Comprobación de datos: Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo no recadro correspondente do Anexo I e achegar unha copia dos documentos.
- DNI ou NIE da persoa solicitante.
- DNI ou NIE da persoa representante.
Marque o recadro correspondente no Anexo I para sinalar as circunstancias que lle sexa de aplicación:
- Certificado de discapacidade expedido pola Administración autonómica.
- Percepción de pensión por incapacidade permanente total, absoluta ou grande invalidez ou equivalente de clase pasivas.
Consentimento para a comprobación de datos. A persoa interesada autoriza a consulta a outras administracións públicas dos seguintes datos. De non autorizar a consulta, deberá achegar o documento correspondente:
- Declaración do imposto sobre a renda das persoas físicas ou certificado tributario de imputacións do exercicio 2020.
A PRESENTACIÓN DE SOLICITUDES PODESE FACER VÍA TELEMÁTICA NO SEGUINTE ENDEREZO:
https://sede.xunta.gal/detalle-procedemento?codtram=ED330B
DE FORMA PRESENCIAL, EN ADMINISTRACIÓN DO PROPIO CENTRO EDUCATIVO, NO HORARIO DE ATENCIÓN ÁS FAMILIAS:
De 09:30 A 11:30
e de 12:00 A 14:30
IMPORTANTE: A falta de devolución dos libros de texto e do material reutilizable adquirido coas axudas para libros de texto ou recibido do fondo solidario no curso 2021/22 ANTES DO 20 DE XUÑO DE 2022 será causa de exclusión da participación no fondo solidario e das axudas para adquirir libros de texto e material escolar no curso 2022/23.
Pode consultarse e descargarse toda a información nos seguintes enlaces.
- Orde do DOG.
- Extracto da Orde.
- Anexo I GALEGO
- Anexo IIGALEGO
- Anexo I CASTELÁN
- Anexo II CASTELÁN
- Instruccións.
| Anexo | Tamaño |
|---|---|
| Convocatoria.DOG Fondo libros.pdf | 1.11 MB |
| Extracto DOG fondo libros.pdf | 433.8 KB |
| Anexo I Galego fondolibros.pdf | 1.54 MB |
| Anexo II Galego fondolibros.pdf | 233.66 KB |
| Anexo I Castelán fondolibros.pdf | 1.54 MB |
| Anexo II Castelán fondolibros.pdf | 991.52 KB |
| Instrucciónsfondolibros_axudaslibros_materialescolar2022-23.pdf | 384.89 KB |
