Información

Quen son os ecobechos? Onde viven? A que se dedican? Son preguntas ás que o alumnado de Infantil deu resposta esta semana coincidindo co contacontos A TRIBO DOS ECOBECHOS do PLAN REVITALIZA.

Neste contacontos activo, a rapazada descubriu aspectos relacionados coa compostaxe e o coidado do contorno. Temos que confesar que moitos destes aspectos xa os coñecían xa que no cole de Barrantes estamos moi concienciados co coidado do noso contorno.

Acabamos de adoptar dúas colonias que formiguiñas que imos coidar con moito agarimo. De paso imos observar como se alimentan e se reproducen.

Acabamos de descubrir que son moi ordenadas xa que almacenan e organizan o alimento no interior do formigueiro para a súa mellor conservación, e botan o lixo no exterior para evitar problemas de saúde. E todo este traballo realízano de forma organizada.

O alumnado de 6º estivo estes días a participar dun pequeno obradoiro de programación de placas de led.

A linguaxe de programación é algo que xa coñecen así que nesta ocasión o traballo foi practicamente autónomo.

Algunha vez vistes de preto un panal dunha colmea de abellas?

Tivemos a grande sorte de que un compañeiro trouxo da casa uns anaquiños de panal para poder observalos. Son brandiños, como se fosen de cartón, e teñen celdas con formas xeométricas (hexagonais) que son utilizadas polas abellas para gardar alimentos, para criar e fabricar o mel. Unha chulada!

Sabiades que o cubo de Rubik non foi inventado para ser un xoguete?

O enxeñeiro  profesor Erno Rubik inventou este cubo no ano 1974 como ferramenta para que os seus estudantes entendesen a rotación de obxectos tridimensionais. E non se decatou de que creara un crebacabezas ata que o mesturou e tivo que resolvelo por primeira vez. Pero... sabedes canto tardou en resolvelo? Tardou nada máis e nada menos que un mes.

A partires de hoxe e tódolos venres teremos un obradoiro de resolución de cubos de Rubik. Cuestión de enxeñería... Atréveste?