Información

Sabedes que podemos fabricar xabón na casa? E incluso que podemos empregar aceite doméstico usado? Velaquí outra forma de reciclaxe.

Con todas as precaucións e mediante un proceso químico chamado "saponificación dunha graxa" o alumnado de 6º aprendeu a fabricar xabón doméstico empregando aceite.

Xa estás os tacos para secar e poder utlizalos. E cheiran fenomenal!

Temos que deixaos secar uns días. No final de curso levaremos un bonito recordo e a experiencia de ter fabricado os nosos propios materiais.

Xa están aquí os primeiros xermolos! Pero non se trata dun sementeiro calquera...

A que nunca vistes como medra unha planta dentro da terra? Desde o Club de Ciencia preparamos e repartimos por todas as aulas un sementeiro diferente, feito cunha caixa de CD reciclada, no que podemos observar non só como xermolan as sementes, senón tamén como medran as raíces.

Nuns días estas fabas farán parte da nosa plantación particular.

Quen son os ecobechos? Onde viven? A que se dedican? Son preguntas ás que o alumnado de Infantil deu resposta esta semana coincidindo co contacontos A TRIBO DOS ECOBECHOS do PLAN REVITALIZA.

Neste contacontos activo, a rapazada descubriu aspectos relacionados coa compostaxe e o coidado do contorno. Temos que confesar que moitos destes aspectos xa os coñecían xa que no cole de Barrantes estamos moi concienciados co coidado do noso contorno.

Acabamos de adoptar dúas colonias que formiguiñas que imos coidar con moito agarimo. De paso imos observar como se alimentan e se reproducen.

Acabamos de descubrir que son moi ordenadas xa que almacenan e organizan o alimento no interior do formigueiro para a súa mellor conservación, e botan o lixo no exterior para evitar problemas de saúde. E todo este traballo realízano de forma organizada.

O alumnado de 6º estivo estes días a participar dun pequeno obradoiro de programación de placas de led.

A linguaxe de programación é algo que xa coñecen así que nesta ocasión o traballo foi practicamente autónomo.