Información

Estes días estamos a ter a gran sorte de poder visitar NATURNOVA, un museo científico no que puidemos coñecer os diferentes tipos de rochas que forman a codia terrestre, o movemento das placas tectónicas, o ciclo da auga, as curiosidades do sistema solar ou a vida dos fondos mariños abordo dunha nave submariña 3D. 

O recanto que máis atención espertou foi o areeiro no que puidemos representar os elementos do relevo coloreados coas súas curvas de nivel. Mesmo fixemos que chovera sobre a nosa representación.

Foio unha visita apaixoante.

Como desaparecen os restos orgánicos? Descompóñense? Por que non ule mal? Por que está todo cheo de bechiños? Son preguntas ás que demos resposta hoxe grazas aos dous obradoiros enmarcados dentro do PLAN REVITALIZA.

No primeiro, o alumnado de 2º e 3º pasouno xenial no XOGO DA MIÑOCA. Grazas a un taboleiro xigante descubriron que residuos podemos botar ao compostador, como se transforman en compost e todo tipo de información relacionada co coidado do medio ambiente.

Pola outra banda, 4º, 5º e 6º transformáronse en científicos e científicas para, utilizando unha mostra e material de laboratorio, separar e identificar macroinvertebrados, descubrindo así o proceso de compostaxe. Atoparon cochinillas da humidade e miñocas, así como os seus ovos, poñendo en práctica os coñecementos relacionados cos insectos, vermes e moluscos e a súa alimentación e reprodución que descubriron este trimestre na clase.

O pasado mes de Novembro foi o MES DA CIENCIA e estivo cheo de actividades, entre elas as levadas a cabo polo científico David Ballesteros. Todo o alumnado, desde infantil a primaria, gozaron cos experimentos de David, unha mestura entre ciencia e maxia. Incluso algún púxose na pel dos científicos en científicas empregando material de laboratorio para diversas experiencias relacionadas coa densidade ou coa fotosíntese.