Neste mes de maio no que xa se vai notando a calor é momento de coñecer o que é a densidade e como se comportan os corpos cos cambios de temperatura.
É posible facer flotar un ovo flote na auga?
Si, é posible. De entrada, un ovo non flota na auga xa que a súa densidade é maior. Pero se engadimos sal á auga, faremos aumentar a súa densidade e, polo tanto, chegará un momento no que o ovo flotará ao ser a densidade da auga superior á do ovo.
Por certo... Sabedes diferenciar un ovo cocido dun ovo que no o está?
Ben sinxelo... Facédeos xirar! O ovo cocido xirará moi rapidadmente. O ovo cru, non. Por que? Porque ao estar líquido o seu interior, a clara frea a velocidade de xiro ao moverse dentro da xema.
A densidade tamén pode ser aumentada polo efecto da presión.
O obxecto que está dentro da botella está cheo de aire. Se apertamos a botella, aumenta a presión, o que fai aumentar a densidade do aire que contén. Deste xeito, vaise ao fondo.
Tamén falamos das propiedades da materia: a masa e o volume.
O aire, é materia? Ten masa? Comprobémolo...
Pesamos un balón desinchado obtendo un resultado de 178 gramos.
Despois, enchémolo de aire e volvemos realizar a medición obtendo un resultado de 181 gramos Xa demostramos que o aire introducido no balón ten masa.
Canta masa de aire ten o balón? 178 - 181 = 3 gramos de aire.
Igualmente aprendemos o funcionamento dun gato hidráulico a partir do Principio de Pascal que indica que a presión aplicada sobre un fluído contido nun recipiente pechado transmítese de forma uniforme a todos os seus puntos. Para comprendelo, empregamos este trebello.
E xa por último descubrimos un termómtro moi curioso, o termómetro de Galileo:
Este sorprendente aparello é quen de indicar a temperatura a través dos cambios na flotabilidade dos líquidos que contén nas boliñas do seu interior. Esta flotabilidade ten que ver de novo cos cambios na... Densidade!