Información

Aquí vos deixamos o resultado da nosa exposición para a iniciativa 11 de febreiro - 11 inventos. Pulsade sobre a imaxe.

O mes de febreiro é o mes na Nena e a Muller Científicas. Para celebrar este acontecemento, e dar visibilidade a esas inventoras descoñecidas, queremos, desde o Club de Ciencia, levar a cabo un obradoiro de igualdade e deixar unha exposición chamada 11 de febreiro - 11 inventos e amosar así once grandes invencións que facilitan a nosa vida diaria e que foron creadas por científicas, nais, mestras, enxeñeiras ou inventoras totalmente descoñecidas. Elas tamén inventan pero permaneceron anónimas aos ollos da sociedade.

A exposición quedará aberta na segunda planta do cole a partires do 20 de febreiro despois do comedor. Estades invitadas!

Botade unha ollada:

O corpo humano segue a desvelar os seus segredos internos. Temos que admitir que para o alumnado de Infantil, xa case non quedan segredos neste ámbito.

Hoxe descubrimos un elemento novo do sistema locomotor, os tendóns, eses elementos que xunto con músculos, ósos e articulacións, colaboran no movemento do corpo humano. Grazas a esta maqueta dunha man, observamos o funcionamento destes elementos.

Mesmo era quen de coller obxectos, como unha man auténtica.

Podemos cocer un ovo sen empregar calor? Acabamos de descubrir que si.

Resulta que se mergullamos un ovo en alcol este reacciona coa albúmina que é unha proteína que ten o ovo. Trátase dunha reacción química chamada "desnaturalización" que é similar á que ocorre coa calor e que fai que a clara pase de transparente a cor branca.

Xa sabemos o que se vos está a pasar pola cabeza... E non... O ovo non é comestible.

Como desaparecen os restos orgánicos do lixo que producimos? Descompóñense? Por que non ulen mal? Por que está todo cheo de bechiños? Son preguntas ás que demos resposta hoxe grazas aos dous obradoiros enmarcados dentro do PLAN REVITALIZA.

O alumnado de 1º e 2º pasouno xenial no XOGO DA MIÑOCA. Grazas a un taboleiro xigante descubriron que residuos podemos botar ao compostador, como se transforman en compost e todo tipo de información relacionada co coidado do medio ambiente. Tratábase dun xogo a base de preguntas das que o alumnado soubo perfectamente responder xa que en Barrantes aprendemos desde ben pequenos a coidar o medio ambiente.