Información

Nas aulas de Infantil están moi concienciadas en descubrir todo tipo de aspectos interesantes do mundo dos invertebrados. Por iso acaban de traer ás aulas uns terrarios nos que poderán observar o modo de vida destes bechiños así como alimentalos.

A partires de hoxe convivirán con miñocas, grilos, saltóns, caracois, formigas e demais fauna que foron traendo do patio ou das casas. Prometeron coidalos con moito mimo e liberalos a final de curso.

A rapazada de Infantil está mergullada este trimestre no mundo dos invertebrados. E hoxe tiveron una visita moi especial pois unha compañeira de Primaria trouxo unha caixa chea de bechiños que puideron observar moi de preto.

Había de todo: bolboretas, escaravellos, cabaliños do demo e mesmo unha tartaruga.

Rematou o trimestre e dicidimos realizar unha viaxe a través da Ciencia.

Visitamos Coruña e a nosa primeira parada foi a Casa das Ciencias, onde tivemos a oportunidade de aprender da manipulación de diversos instrunentos científicos, especialmente relacionados coa física.

Xa dentro do Planetario tivemos a ocasión de aprender cousas relacionadas co Sistema Solar:

A seguinte parada foi unhas das máis agardadas pola rapazada: A Casa dos Peixes. Este acuario ofreceunos a posibilidade de observar diversas especies mariñas no seu medio. Unha das estrelas era o tiburón Gastón:

Pero o prato forte foi observar como alimentaban as focas:

Moi interesante e unha chulada! Chegamos cansos pero moi felices e con moitas aprendizaxes.

Seguido as bases da competencia STEAM, estes días puxémonos na pel das persoas programadoras informáticas e creamos os nosos propios videoxogos retro.

Grazas a un sinxelo programa cunhas secuencias similares ás do Scratch puidemos crear videoxogos cun aspecto moi divertido e aos que podemos xogar cando queiramos.

 https://youtube.com/shorts/yaqQOx1HLM8?si=9X03t0AYuBfdqKWg

Cremos que non van esquecer esta actividade.

Este mes celebramos o MES DA AUGA. Entón, imos experimentar con ela.

O primeiro dos experimentos consistiu en atravesar unha bolsa de auga con dous lapis. O resultado é que non se baleira polo ocos debido a que o lapis ocupa o espazo furado e non permite o acceso de aire ao interior nin unha perda de presión.

No caso do segundo, estudamos a propiedade de refracción da luz na auga. Fixemos pasar un debuxo dunha frecha detrás dun bote cheo de auga. O resultado é que a frecha cambia a súa dirección do mesmo xeito que a luz cambia de dirección ao atravesar a auga debido á refracción.

Por último quixemos observar o proceso de filtración da auga e, á vez, facer visible a importancia da auga e os efectos negativos da contaminación. Deste xeito, preparamos un sistema de filtración cun filtro de café, algodón, area e pedras de diferentes tamaños. O resultado é que a auga turbia que botamos no filtro sae perfectamente transparente.