Skip to Content

RADIO BAROUTA

Xa están subidos os últimos #podcast de #RadioBarouta para que poidades escoitar, descargar e difundir! Bo plan para rematar esta tarde de domingo.
Podedes escoitar e descargar individualmente no seguinte link: https://pt.ivoox.com/pt/podcast-radio-barouta_sq_f1634748_1.html, ou ben todo xunto no seguinte link: https://pt.ivoox.com/pt/podcast-radio-barouta_sq_f1634748_1.html
A partir de mañá, tamén soará no fío musical do colexio durante o tempo de patio.
Escoitámonos!
 

"SOMOS O QUE COMEMOS" PREMIO NO V CONCURSO DE TRABALLO POR PROXECTOS DA CONSELLERÍA DE EDUCACIÓN

Acabamos de saber que o proxecto de centro do ano pasado "Somos o que Comemos" foi galardoado no V Concurso de Traballo por Proxectos da Consellería de Educación. 

Estamos moi contentos/as e orgullosas/os de toda a comunidade que forma parte deste centro, profesorado, familias e amigas/os do colexio, aos/ás que queremos trasladar os parabéns e agradecemento pola implicación

Podedes ver a resolución no seguinte link: http://www.edu.xunta.gal/portal/sites/web/files/resolucion_concurso_ttp_2018_19.pdf

De acordo coa resolución de 13 de decembro da Dirección Xeral de Centros e Recursos Humanos, pola que se dán a coñecer os traballos seleccionados no V Concurso de Traballos por Proxectos, coordinados ou desenvolvidos coa participación da biblioteca escolar durante o curso 2017/2018. Reciben este recoñecemento os traballos presentados por 19 centros, dun total de 102 proxectos presentados; a estes centros asignanselles as contías detalladas na resolución, que deberán destinarse a á atención das necesidades da biblioteca escolar, especialmente no ámbito da información. Os traballos seleccionados serán publicados na páxina web de Bibliotecas Escolares de Galicia.

ACTA VI ASEMBLEA DE CENTRO

En anexos poderedes atopar a acta da última Asemblea de Centro, onde destaca a decisión de crear grupos de traballo para culminar ou iniciar proxectos para o colexio.

  1. Desgaleguización do alumnado
  2. Igualdade e Xénero
  3. Patio Escolar
  4. Redes e SoftwareLibre

Se estades interesadas/os en formar parte destes grupos, por favor contactade a través de calquera das seguintes formas

  • 881867455
  • ceip.barouta@edu.xunta.es
  • 717707431 (WhatsApp)
  • Enviando nota polo alumnado

 

ELECCIÓNS AO CONSELLO ESCOLAR

De acordo coa resolución do 25 de setembro de 2018 (DOG do 08/10/2018), e tal como recibistes información por TokApp, o día 30 de outubro de 2018 ás 12h00 procedeuse ao sorteo público para a designación dos membros da Xunta Electoral (Artigo 30 do Decreto 92/1988 segundo a redacción dada polo Decreto 324/1994, DOG do 9/9/1994).

Hoxe, día 5 de novembro de 2018 ás 12h00 foi o acto de constitución da Xunta Electoral que quedou constituída polas persoas que podedes ver no documento anexo.

En anexos tamén podedes ver o calendario para a celebración de eleccións, onde figura que o prazo de presentación de candidaturas é do 7 ao 16 de novembro (cubrindo instancia na secretaría do centro) e que o día da votación é o martes día 27 de novembro. 

Máis información nos anexos.

 

 

ACTA DA 5ª ASEMBLEA DE CENTRO

Na última asemblea de centro lemos e aprobamos a acta da anterior que quedara pendente e que agora queremos publicar, como moitas/os de vós nos pedistes, para que poidades seguir a actividade da mesma aínda que non puiderades vir.

A asemblea está pensada como un punto de encontro entre os distintos membros da comunidade educativa, no que falar sobre todos os aspectos que consideremos de interese para a mellora do noso centro.

Co obxectivo de seguir aumentando a participación de todos na última asemblea propúxose un cambio na dinámica da mesma, que consiste en que a orde do día a elaboraría una comisión, que foi creada nesa asamblea entre xente voluntaria. Polo tanto, a partir de agora ¡a orde do día elaborarémola entre tod@s. Todos os temas que queirades que sexan tratados na asemblea propoñédeo para podelo incluír.

Para facer estas suxestións non tedes máis que enviar un correo electrónico á dirección asemblea.barotua@gmail.

Estamos preparando a acta da última asemblea, onde a orde do día foi a seguinte:

 

  • Comunidade de colaboradores/as - Equipo de traballo
  • Remodelación e acondicionamento do patio exterior
  • Zona de estacionamento de vehículos
  • Fomento e uso de software libre e redes descentralizadas
  • A desgaleguización do alumnado
  • Transporte para alumnado do comedor escolar
  • Novos métodos e estratexias didácticas (ABN, ambientes de aprendizaxe, traballo por proxectos)
  • Outras propostas

 Como decisión importante, a asemblea no seu conxunto decidiu crear grupos de traballo ou comisións para facer as tarefas máis operativas. 

  • Xénero e Igualdade
  • Patio Escolar
  • Software Libre e Redes Descentralizadas
  • Dinamización da Lingua Galega

Agradecemos que nos enviedes un correo a ceip.barouta@edu.xunta.es, ou a asemblea.barouta@gmail.com,ou mesmo que nos chamedes para dicir en que equipo ou comisión de traballo vos gustaría participar e colaborar.

Agardámovos!

7ª ASEMBLEA DE CENTRO | 30-10-2018 | 18h30

 

7ª ASEMBLEA DE CENTRO

Martes, 30 outubro ás 18h30

 

O martes 30 de outubro, ás 18:30 horas, terá lugar no CEIP de Barouta a 7ª Asemblea de Centro.

 

Desde a comisión da asemblea animámosvos a todos e todas integrantes da comunidade educativa a que fagades achegas sobre todos aqueles temas que vos gustaría que foran tratados na mesma. Con todas estas propostas elaborarase unha orde do día que resulte do interese da maioría.

 

Para poder achegarnos estas suxestións enviade un correo electrónico á seguinte dirección asemblea.barouta@gmail.com. Se alguén non dispón desta canle de comunicación pode facer un escrito e deixalo no colexio indicando claramente que é para a comisión da asemblea. A orde do día a redactaremos o venres 26. Hai moitas cousas por facer aínda, esperamos con ansia as vosas ideas para mellorar este noso colexio entre todos!. 

 

Un saúdo

UN CHOCOLATE CON...VALENTIM FAGIM | "O Galego Pode Ser Internacional"

 

UN CHOCOLATE CON...

Día 23 de outubro ás 18h30 no CEIP de Barouta

A desgaleguización do alumnado é uns dos problemas que falamos no CEIP de BAROUTA xa desde as primeiras #AsembleaDeCentro, o pasado curso. A próxima semana teremos a oportunidade de conversar e reflexionar sobre isto, mentres tomamos "Un Chocolate con... Valentim Fagim", profesor da Escola Oficial de Idiomas de Santiago de Compostela.

Anotade nas vosas axendas, acudide e difundide!

NOVO HORARIO DO CENTRO | 09h00 a 14h00

Tal como foi aprobado no último Claustro e Consello Escolar do curso 2017/2018 e recén chegada a confirmación da Xefatura Territorial o horario do centro pasará a ser de 09h00 a 14h00.

LIBROS DE TEXTO PRIMARIA 2018/2019

Feita a adscrición do profesorado a cada nivel e aula, en anexos poderedes atopar o material, referido a libros de texto do Fondo Libros da Consellería de Educación, que as mestras e mestres escolleron para a súa aula ou especialidade.

A partir de agora podedes ir á librería que escollades para comprar os libros (se xa recollestes os vales non tedes que vir polo colexio). O alumnado de 3º EP a 6º EP, recibirán na escola os libros que lles foron asignados e que seleccionou cada titora ou especialista.

 

TRANSPORTE ESCOLAR

AVISO PARA ALUMNADO USUARIO DE TRANSPORTE ESCOLAR.

Todo o alumnado debe ser recollido na parada do autobús por seu pai/nai, titor/a ou por outra persoa autorizada pola familia.
Hoxe recibiredes en papel unha modelo de autorización que, no caso de delegar a recollida do alumnado na parada, debedes enviar de volta á escola cuberta e asinada.
 
ALUMNADO DE 5º E 6º DE EDUCACIÓN PRIMARIA
Este alumnado poderá ir só desde a parada á casa sempre que se asine a autorización que tamén recibiredes hoxe en papel.
 
Distribuir contido


by Dr. Radut