Escolares: ciclos
Día Internacional Contra a Violencia de Xénero 25N
Enviado por Eva o 27 Novembro 2023 - 8:21pm|
O Día Internacional contra a Violencia de Xénero conmemórase o día 25 de novembro para denunciar a violencia exercida sobre as mulleres en todo o mundo e reclamar políticas en tódolos países para a súa erradicación. CEIP A PAZ únese a esta protesta para que non haia NIN UNHA MÁIS.
|
DÍA MUNDIAL DO PAN, 16 de outubro
Enviado por Manuela o 21 Novembro 2023 - 9:34pm|
Así celebramos no colexio o "Día Mundial do Pan" |
2º PREMIO CONCURSO CARTEIS 8M
Enviado por Manuela o 7 Marzo 2020 - 8:01pm|
Temos a ledicia de informar, que o noso centro vén de recibir o Segundo Premio no concurso de carteis convocado pola Xunta de Galicia, para o deseño do cartel do día 8 de marzo co gallo da celebración do Día Internacional da Muller. O obxecto do concurso é fomentar a promoción da igualdade dos centros educativos galegos, a través dunha acción que permita visualizar a contribución das mulleres nos distintos ámbitos.
O traballo do noso alumnado e da súa profesora de artística Marta, foi premiado na categoría de 1º a 4º de Educación Primaria co cartel que leva por lema "Xuntas Enxeñamos Igualdade".
Cada alumno e alumna participante foi premiado con dous vales de 25€ que as familias poderán gastar en diferentes comercios da zona. A Secretaría do noso centro enviará ás familias proximamente un comunicado sobre como e cando se lles fará entrega destes vales. Estamos moi orgullosos e orgullosas deste premio e deste traballo tan fantástico en prol da igualdade. |
BOTÁMONOS AO MONTE DENDE O NOSO COLE
Enviado por Anónimo o 20 Xaneiro 2019 - 11:16pm|
BENVIDOS E BENVIDAS A TINTURARTE!
Como xa todos sabedes, este ano dende o claustro de profes decidimos que queriamos darlle un aire novo ao Nadal no cole e prescindir da árbore tradicional.
Aproveitando o tema do proxecto que temos este ano no centro, "Botámonos ao monte" queríamos facer o noso propio monte no cole.
O resultado foi a elaboración de árbores en relieve que colocamos no noso patio, empregando a reciclaxe con periódicos vellos e facendo participar a tódolos nenos e nenas no proceso.
Fixemos tres troncos con bolas de folla de periódico e outros dous con anacos do mesmo material pero empregando a técnica do "papel maché" (anacos de papel pegados con cola).
As copas das árbores están compostas de bolas de papel contínuo combinando dous tonos de verde.
Velaquí o proceso e resultado:
E antes de despedirme, quería darlle as gracias tamén a:
- Pepe e Ángel por axudarme a colocalos que ainda levou o seu tempo... - A todo o claustro de profes que apoian tódalas novas propostas e ideas e colaboran para levalas a cabo... - E a tódolos nenos e nenas que se ofrecen, en moitas ocasións, a perder tempo de recreo ou diversión para botarme unha man!
GRACIAS!! Estou moi orgullosa de que formemos tan bo equipo.
En nada estaremos por aquí de novo coas "artistadas" que estamos elaborando para o Día da Paz.
MOITOS AGARIMOS ARTISTAS!!!!!
|
BENVIDOS A "TINTURARTE"
Enviado por Anónimo o 3 Decembro 2018 - 9:31am
Benvidos a "TINTURARTE",o novo blogue de artística!
Dende aquí amosaremos tódalas actividades que estamos facendo e o seu "making off" (cómo se fixo).
Este ano temos nova aula moi ampla e luminosa con grandes mesas para traballar moi cómod@s.
Temos tódalas caixas ordenadas co material e con carteis para poder traballar de maneira autónoma.
Ademáis, dispoñemos dunhas grandes caixas onde gardaremos as actividades que estamos realizando por cursos, e así ter a aula o máis ordenada posible.
Nunha das corcheiras temos as actividades en proceso por cursos, e noutra temos as actividades pendentes para ese trimestre e as xa realizadas.
Así teremos en conta o tempo que temos e nos organizaremos mellor para realizalas.
As cartolinas e cadernos de debuxo tamén están organizados por cursos e caixas para que cada un poida encontrar o seu propio material.
Estade ben atentos porque tod@s apareceremos por aquí xunto coas vosas obras de arte, e desta maneira poderedes amosalas aos vosos familiares e amizades!
Isto comeza pero... recordade que para que a clase funcione debemos recordar que somos un EQUIPO!!
Tanto para lograr obras artísticas preciosas como para recoller e manter a nosa aula limpa e ordenada
Moitos agarimos!!
A vosa profe, Nuria
|
O que facemos no colexio
Enviado por admin o 21 Febreiro 2014 - 7:20pm
