blogue deA Maía

"A historia extravagante de Hipo & Gavante": debuxos do concerto

O pasado 16 de marzo asistimos á representación desta obra interpretada pola Banda Municipal de Música de Santiago de Compostela.

 Antes de ir ao concerto, traballamos tanto a parte musical como o conto. Entre todos fomos completando as rimas e adentrándonos na historia. Á  volta do concerto e nas  clases de plástica cos titores e titoras  de 2º nivel, fixeron  debuxos  sobre o conto. Podedes velos premendo AQUÍ  e tamén nesta imaxen .

    Esta suite sinfónica composta por Cristóbal López Gándara no ano 2014 sobre o conto de Nono Granero do mesmo título,  conta as peripecias dun Hipopótamo que, cansado de vivir no mesmo recodo do río, decide tomarse unhas vacacións no mar para cambiar de aires e onde se fai amigo dun bogavante ao que lle gusta moito o café.

    O alumnado tamén dispón do libro  ("A historia extravagante de Hipo e Gavante” ) na biblioteca do colexio para lelo ou poder levalo a casa e seguir disfrutando desta  maravillosa historia.

Froita na escola

Un curso máis dende o CEIP A Maía acollémonos ao Plan de Consumo de Froita na Escola.

O obxectivo do plan é incrementar o consumo de froita e verdura así como os hábitos saudables dos nenos e nenas.

Os períodos nos que se levará a cabo o consumo son os seguintes:

·         1ª semana: Do 16/04/2018  ao  20/04/2018

·         2ª semana: Do 23/04/2018  ao  27/04/2018

·         As aulas participantes neste programa son todas as de educación primaria agás os grupos de 4ºB e 6ºB.

 

Agradecemos a vosa colaboración especialmente  nestas semanas de desenvolvemento do programa, falando cos vosos fillos e fillas sobre a importancia do consumo da froita.

Teatro en inglés

 

O vindeiro 11 de abril, o departamento de inglés ten programada unha sesión de teatro en inglés para o alumnado de 5º e 6º de educación infantil.

É unha actividade que implica un custo xa que hai que contratar unha compañía. A compañía contratada para a representación é Face 2 Face. Unha compañía de teatro educativo formada por un equipo de profesionais de teatro e educación. Na última década, este equipo foi unha referencia constante de calidade no panorama do ensino de inglés, obtendo unha excelente reputación cos profesores e os alumnos pola súa profesionalidade, sentido do humor e bo traballo.

A clave do éxito de Face 2 Face é a interacción entre os actores e o público. Desde o primeiro momento, os alumnos son alentados a utilizar o seu coñecemento de inglés para axudar no desenvolvemento dos espectáculos. Os membros do público están invitados no escenario, onde improvisan algúns dos papeis dos actores cos actores. O riso axuda aos estudantes a relaxarse ​​e soltarse, permitindo que se baseen nos recursos lingüísticos que non poderían usar nun ambiente máis formal, como unha aula. As obras interpretaranse completamente en inglés, facendo que os participantes "pensen" nesa lingua e utilicen o coñecemento que posúen. Por outra banda, a linguaxe corporal, o mimismo e os xestos dos actores facilitan a comprensión.

O Hospital de Osiños nas clases de 5 anos

    Os nenos/as de 5 anos recibiron a visita dos alumnos e alumnas da facultade de Mediciña da Universidade de Santiago que participan no HOSPITAL DE OSIÑOS. É unha iniciativa organizada por Medicina Interna de Galicia (Meiga). Xurdeu no Reino Unido fai 30 anos (TEDDY BEAR HOSPITAL) e pretende  mellorar a relación dos pequenos coa medicina e os médicos, facendo que lle perdan o medo e ensinándolles hábitos de vida saudables.

Máis información no blog de infantil.

 

Xogadores do Santiago Futsal visitan o colexio

    O martes 20 de marzo recibimos no centro a visita de 3 xogadores (Everton, Isma e Armando) do SANTIAGO FUTSAL. Os rapaces de primaria do Ceip A Maía asistiron por quendas ao longo de toda a mañán a unha pequena charla cos xogadores e coa xefa de prensa do equipo e puderon facerlles as preguntas que quixeron. Tamén asistiron á proxección dun video. E como remate os xogadores díronlles autógrafos e regaláronlles entradas para o partido do sábado 30.

As fotos da visita están no PDF adxunto

 É o club máis laureado do fútbol sala galego, con 7 Copas Xunta, 1 Copa de España, 1 Supercopa de España e 1 Recopa de Europa.   

           

Fotos recibidas: Rosalía vive na Maía

  Desde o EDNL propuxéronnos elaborar en cada clase uns carteis onde se recollesen e ilustrasen poemas de Rosalía de Castro. Despois os rapaces tiñan que levalos e penduralos nos portais dos seus edificios á vista de toda a comunidade e logo sacarlles fotos. Esta é unha recopilación das que recibimos.

    Moitísimas grazas a todos por participar nesta idea que pretendía abrir á veciñanza a celebración do Día de Rosalía, traspasando o ámbito escolar.  

PREMEDE na imaxe para ver as fotos.

 

CONCERTO: "A historia extravagante de Hipo & Gavante"

   Xa se achega o novo CONCERTO!. Será o vindeiro 16 de marzo no Auditorio de Galicia. Asistiremos á seguinte representación: A historia extravagante de Hipo & Gavante interpretada pola Banda Municipal de Música de Santiago de Compostela,  con narración de Nono Granero, o autor do conto.

   Recomendamos o seguinte libro para un mellor aproveitamento e disfrute do concerto.

 

"A historia extravagante de Hipo & Gavante"

Autor: Nono Granero Moya

Editor: Canica Books

E para máis información premede nestas ligazóns:

http://www.compostelacapitalcultural.com/detalles/18024/eventos.html

https://www.youtube.com/watch?v=BgX2wj-ARFc

 

 

Saída de 5º: Museo de Historia Natural e SGAE

  O venres, 23 de febreiro, os alumnos e alumnas de 5º de primaria  fixeron unha saída ao Museo de Historia Natural, o Luis Iglesias, en Santiago. Ao rematar, foron á SGAE, á Praza do Obradoiro e á Porta Santa, na Praza da Quintana. Por último, antes de volver ao autobús para regresar ao colexio, descansaron nun parque de Vista Alegre.

   Nesta presentación tedes algunhas fotos da saída e o texto redactado pola alumna Inés Peña. Premede na imaxe para abrila.

Os de 1º foron ver "OSIÑO" no teatro Principal

       

   Os alumnos e alumnas de 1º de primaria fixeron unha saída en bus a Santiago para ver no Teatro Principal a representación de  "OSIÑO".  Na obra, a cargo da Compañia Trompicallo, vemos como transcurre a vida  de Osiño, súa nai e os amigos que vai facendo, nun anaquiño da fraga, e como esta se vai transformando coas diferentes estacións. Un fermoso soño para nenos e nenas que lles encantou!. Tanto alumnos como profesores disfrutaron coa obra e o paseo polas rúas de Santiago.

Ficha artística:            

Autores:         Marian Glez./ Luís Glez./ Sabela Amado/ Kevin Stewart

Dirección:      Kevin Stewart

Titiriteiros:    Sabela Amado Rojo / Marian González / Luís González

Deseños técnicos e artísticos:         Trompicallo

Músicas:         Ignacio Sanz

 

 

Rosalía vive na Maía

 Mostra dos poemas de Rosalía de Castro que ilustraron os alumnos. Como seguro que xa os vistes, están  pendurados polo patio de entrada  do noso colexio, situado no medio das terras que a inspiraron e que a escritora percorreu desde o seu nacemento en  1837 no Camiño Novo, do Concello de Conxo, hoxe Praza de Vigo do Concello de Santiago de Compostela ata o seu pasamento en Padrón no ano 1885.

Premede na imaxe para ver os traballos pendurados no patio.

 

Distribuir contido