blogue deA Maía
Protocolo de problemas de conduta.
Enviado por A Maía o Ven, 20/10/2017 - 11:54pm
O departamento de Orientación do Centro quere compartir con todos os membros da comunidade educativa este protocolo de problemas de conduta, con pautas e estratexias, e que podedes ler completo no PDF adxunto.
QUE ENTEDEMOS POR PROBLEMAS DE CONDUTA?
Entendemos por problemas de conduta os comportamentos que afectan negativamente a un mesmo e o contorno no que un vive (familia, escola, traballo, veciños) por romper as normas de convivencia e deteriorar o desenvolvemento persoal e social.
Moitos dos rapaces ou rapazas poden presentar algúns problemas conductuais; non obstante, só hai un problema de conduta importante cando a frecuencia e a intensidade destes síntomas provocan unha incapacidade ou deterioración importante na vida familiar, escolar e social.
AS ESTRELAS DO ROCK
Enviado por A Maía o Ven, 20/10/2017 - 11:22amPara os que aínda non as coñecedes queremos presentarvos ás estrelas do rock!! Catro mozas de Bertamiráns que acuden ás clases de guitarra de Miguel Alonso no Ceip da Mahía e que hoxe a partir das 18.30 tamén van estar no teatro Colón da Coruña, na gala final do Quero Cantar. Queremos transmitirvos todo o noso apoio, estamos orgullosísimos de que chegaredes á final e desexamos que hoxe pola tarde brilledes como o que sodes: as estrelas do rock. Ánimo rapazas
Guía: "Axúdalle fronte ao acoso escolar"
Enviado por A Maía o Ven, 13/10/2017 - 7:57pmUnha guía fronte ao acoso escolar, elaborada pola SECCIÓN DE PSICOLOXÍA EDUCATIVA DO COLEXIO OFICIAL DE PSICOLOXÍA DE GALICIA, que o equipo de Orientación do Centro quere compartir coa comunidade educativa.
Obradoiro de Eco percusión en primaria
Enviado por A Maía o Xov, 05/10/2017 - 12:03amOs pasados días 28, 29 e 30 de setembro tivemos un obradoiro de música, ECO PERCUSIÓN, en distintas sesións e espazos do colexio, magníficamente impartido polo músico cubano Edel, para os nenos e nenas de 2º a 6º cursos, no que, entre outras cousas, tiveron a oportunidade de tocar a batería ademais de escoitar diferentes ritmos interpretados polo percusionista como bossa-nova, paso dobre, valse ou o reggaeton e tocar ritmos en eco, empregando material de reciclaxe. Todo iso contaxiados polo entusiasmo de Edel pola música e pola percusión.
Máis fotos e debuxos dos alumnos e alumnas premendo AQUÍ
Obradoiro de ECO PERCUSIÓN
Enviado por A Maía o Mér, 04/10/2017 - 11:57pm
Os pasados días 28, 29 e 30 de setembro tivemos un obradoiro de música, ECO PERCUSIÓN, en distintas sesións e espazos do colexio, magníficamente impartido polo músico cubano Edel, para os nenos e nenas de 2º a 6º cursos, no que, entre outras cousas, tiveron a oportunidade de tocar a batería ademais de escoitar diferentes ritmos interpretados polo percusionista como bossa-nova, paso dobre, valse ou o reggaeton e tocar ritmos en eco, empregando material de reciclaxe. Todo iso contaxiados polo entusiasmo de Edel pola música e pola percusión.
E algúns dos traballos dos rapaces:
Aviso desde a Biblioteca
Enviado por A Maía o Xov, 28/09/2017 - 11:50pmEstimados pais/nais:
Durante este curso escolar, os alumnos e alumnas de 1º de Educación Primaria estréanse como usuarios autónomos da Biblioteca Escolar. Aínda que xa fixeron uso dela durante a súa etapa de Infantil acompañados polo profesorado, a partires de agora poden visitala durante os recreos e facer uso do servizo de empréstito a domicilio. Por este motivo, e para un mellor funcionamento do mesmo, pregámoslles fagan un seguimento dos libros que levan para a casa, intentando que os devolvan dentro do prazo indicado nunha das primeiras páxinas. Asi mesmo intentaremos que os coiden e respecten como un ben común a ser disfrutado por todos/as.
Agardando que nos beneficiemos deste e outros servizos da biblioteca, reciban un cordial saúdo.
O Equipo da Biblioteca Escolar.
Actividades de 2ºC
Enviado por A Maía o Mar, 26/09/2017 - 8:46pmOs alumnos de 2ºC acompañados pola profesora Carmela visitaron as instalacións do colexio entre elas a aula de Carmen onde os alumnos de 5º estaban traballando co Edixgal. Tamén participaron nun obradoiro de percusión (do que informaremos en detalle nunha próxima entrada).
REUNIÓN INFORMATIVA PARA NAIS E PAIS DE ALUMNADO DE 5º e 6º DE INFANTIL
Enviado por A Maía o Lun, 11/09/2017 - 11:20pmAviso de reunión:
Quedan convocados as nais/pais/titores legais do alumnado de 5º e 6º de infantil para unha reunión informativa coa titora ou titor correspondente. Ten por obxectivo clarificar diferentes aspectos relacionados co curso 2017-18. Moitas grazas.
Data: 19 de setembro (martes)
Hora: 17:00 h.
Lugar: nas aulas de cada alumno/a
O Equipo de Ed. Infantil.
AVISO DE REUNIÓN DO ALUMNADO NOVO DE 3 ANOS
Enviado por A Maía o Mar, 05/09/2017 - 12:07pmAVISO DE REUNIÓN:
O mércores día 6 de setembro ás 17.00 terá lugar a reunión cos pais e nais dos alumnos de 4º de infantil na aula de cada titora.
As listaxes das aulas estarán expostas na porta de entrada do edificio de infantil.
Por favor, pregamos puntualidade e non acudir cos seus fillos/as para optimizar o tempo e a efectividade da reunión.
As/os titoras/es
Fresas na horta
Enviado por A Maía o Lun, 10/07/2017 - 3:37pmOs pequenos de infantil de 5ºA seguiron o crecemento das fresas que plantaron o ano pasado: viron aprecer as flores e cómo se iban transformando en froitos. E cando lles vían a cor axeitada recolléronas para comer na clase.
Os de 3ºB de primaria traballaron no mantemento (CLICAR) e ademáis plantaron na clase sementes de xirasois que despois transplantaron na horta. No enlace anterior podedes ver outras experiencias na horta que contaron no seu blog.
E tamén seguiron o crecemento dos maracuyas da entrada do colexio.
- « primeira
- ‹ anterior
- …
- 15
- 16
- 17
- 18
- 19
- 20
- 21
- 22
- 23
- …
- seguinte ›
- última »