Ao longo do mércores e o xoves ( 22 e 23 de maio respectivamente ) todo o alumnado do cole  participou nunha interesante e divertida actividade sobre Educación Vial impartida por  Dª.Laura García Crespo e D.José Ramón López Iglesias, pertencentes á Agrupación de Tráfico da Garda Civil de Lugo.

Poderedes ver o resumo desta actividade  picando nas seguintes ligazóns : 

https://www.youtube.com/watch?v=PEh0phdFNBk  ( E.Infantil )

Con motivo do DÍA DA FAMILIA que se celebra cada ano no 15 de maio, o equipo docente de educación infantil convidou ás familias do alumnado para vir correr no cole cos máis peques. Nesta ocasión, o tempo meteorolóxico levounos a facer esta maratón no pavillón deportivo. E, ao final, quen quixo puido correr e correr... Que bonito foi ver a ilusión e as ganas que puxeron todos os participantes!

O pasado venres a ANPA organizou un feixe de actividades para os pequenos e pequenas con acampada incluida polo que a festa continuou o sábado pola mañá.

Esta semana pasada celebramos os Maios por todo ó alto! O mércores 8 de maio algúns pequenos/as achegáronse á Praza de España para interpretar con voz e instrumentos unha copla que cautivou a todo o púbico. O vernres tocou festexar no colexio xunto cos compañeiros do CEE Infanta Elena.

Se queres ver o vídeo resumo da festa dos Maios preme na seguinte ligazón:

                      https://youtu.be/P7NEIOEIHqQ

A verdade, a excursión ao Ecomuseo de Arxeriz foi toda unha experiencia. Nel, esperábannos unhas auténticas profesionais que fixeron que a nosa visita fose realmente interesante!!